Dzaw deuˆ 2

Aˬ myah myah ngehˬ˗eu loꞈ˗ehˇ ngehˬ

2 Gawˇliˬtu 2:17

Aˇ yeˇ huiˬ˗eu jeˬ: Aˬ myah myah ngehˬ˗eu loꞈ˗ehˇ yaw zeu baw˗eu laꞈ kʼoeˇ dawˇ coe ni ngehˬ.

Guiˬ lahˬ shaˇ˗awˇ yaw muiˬ˗ehˇ lehˬ hmˬ. Yawˬ ha˗ahˇ maˬ ngeuˇ˗eu ngehˬ luꞈ˗eu gaˇ kawˆ˗ahˇ haw tsoˆ taˬ nya ni guiˬ lahˬ shaˇ. Aˇ yeˇ huiˬ˗eu tsahˇ aˬ geu tsahˇ nga lehˇ yaw duˬ duˬ lehˇ noeˬ taˬ. Sahˬ boꞈ laꞈ kʼoeˇ kʼaˇ ahˇ˗eu loꞈ˗ehˇ maˬ gui caw ni yawˬ ha˗euˬ dawˬ neh dzawˇ nehˬ.

Aˬ dui Jaˇliꞈ maˬ ngeuˇ naˇ paˇ dmˬ tiˬ jeˬ na˗ahˇ gui˗eu lehˇ lehˬ hmˬ ngeh, taˆ taˆ˗ehˇ gui nya˗eu gʼaˇ duˬ, gaˇ kawˆ teu˗ahˇ yaw muiˬ˗ehˇ ya gʼoˆ shaw taˬ. Tsawˇ haˬ deuˬ˗euˬ dawˬ˗ahˇ ya gui naˇ, nui ma laꞈ kʼoeˇ neh gui, teˇ saˇ aˇ dzehˬ dzeuˇ ni taˬ gʼeu.
Dawˇ coe ni ngehˬ. Naˇ haˬ luꞈ˗eu deuˬ gaˇ kawˆ heu˗ahˇ aˬ jeˬ miˇ neh siˬ nya paˬ˗ehˇ gʼeh nga lehˇ shaˇ noeˬ. Aˬ dui aˬ yawꞈ maꞈ˗euˬ gʼaˇ duˬ noeˬ keuˆ nehˬ naˇ, aˬ dui ngehˬ˗eu jeˬ hawˇ˗eu mˇ˗eu jeˬ lmˇ boˬ ni gʼoeˇ laˇ paˬ˗ehˇ gʼeh meh.

Aˬ dui aˬ myah myah loꞈ˗ehˇ ngehˬ˗eu kʼawꞈ, yaw zeu baw˗eu laꞈ kʼoeˇ ngehˬ˗eu jeˬ ya bi pyeuꞈ. Aˬ dui ngehˬ˗eu gaˇ kawˆ deuˬ maˇ jawˆ ni law jaˆ˗i ya ngehˬ.
Naˇ haˬ luꞈ˗eu deuˬ˗ahˇ haw. Naˇ haˬ luꞈ˗eu deuˬ˗ahˇ haw ngeh, aˬ yawꞈ maꞈ˗ahˇ maˬ saˇ maˇ saˇ˗ehˇ maˬ bi gʼeh leˇ ni haw. Dawˬ mehˬ mehˬ ngeh, doe doe gʼa gʼa˗ehˇ haw ngeh to˗aˬ, tiˬ gʼaˬ na˗ahˇ tiˬ kʼehˇ kʼehˬ haw.