Nawˇ kʼawꞈ tsaꞈ gaˬ nya˗awˇ mehˬ nya!

Dahˬ beh ngeh Moˇseˬ Yeˬhawˇbaˬ neh biꞈ˗euˬ gaˇ heu˗ahˇ mˇ nya˗eu maˬ siˬ lehˇ noeˬ˗eu meh. (Doˆ˗iˇ˗eu 4:10, 13) Nawˇ kʼawꞈ toˆ˗ehˇ noeˬ haw maˬ laˬ? Nawˇ Yeˬhawˇbaˬ˗euˬ Saˇ kiˇ nehˬ˗ehˇ Jaˇliꞈ dzaw luꞈ˗awˇ, iˇ kahˇ doe ni tsaꞈ gaˬ nya˗eu maˬ siˬ lehˇ yawˬ haˇ yawˬ ha noeˬ˗eu paˬ. Nawˇ yaw nyiˇ miˇ neh dzaw cawˬ deuˬ˗ahˇ maˬ tsaꞈ gaˬ peuˬ˗eu kʼawꞈ pyeuꞈ nya meh. Nawˇ tsawˇ haˬ uiˬ gaˇ tsaꞈ gaˬ ngeh maˬ ehˇ, naˬ gaˬ paw neh tsaꞈ gaˬ ngeh maˬ ehˇ, guˆ miˇ˗a loˇ? Nawˇ toˆ˗ehˇ gʼeh luꞈ naˇ, nui kʼaˬ ahˇ laˇ˗eu gʼaˇ duˬ Yeˬhawˇbaˬ˗euˬ muiˬ˗eu shawˇ˗eu yaw sahˇ˗ahˇ ya shaˇ˗eu meh. (1 Beˬtuˆluˆ 4:11) Nawˇ gaˇ heu˗ahˇ mˇ nya ni Yeˬhawˇbaˬ nawˬ˗ahˇ caw ba meh lehˇ ya noeˬ taˬ˗eu meh.—Doˆ˗iˇ˗eu 4:11, 12.

Kʼaˬ duˬ ni gʼeh . . . Tsaꞈ gaˬ˗eu deuˬ, lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Mehˇ nmˇ Aꞈoˬyaˇmaꞈ shaˬ˗eu gaˇ kawˆ aˬ jeˬ jaˆ˗eu nga?

• Aˬ yawꞈ˗ahˇ gʼaˬ hawˇ˗eu nui kʼaˬ ahˇ laˇ ni caw ba nehˬ˗eu aˬ jeˬ nga?—Yeˬlaˬmiˇ 20:7-9

• Aˬ yawꞈ Yeˬhawˇbaˬ˗euˬ gaˇ mˇ daˆ leꞈ˗eu gʼaˇ duˬ, leh jeh˗eu heu˗ahˇ neh gaˇ dahˇ tsoeˬ˗eu aˬ jeˬ za˗euˬ nga?

• Yeˬhawˇbaˬ nawˬ˗ahˇ Miˬyehˇ gaˇ mˇ byah nya˗eu gʼaˇ duˬ, aˬ jeˬ jeˇ shaˬ zahˬ˗ahˇ gʼaˬ leˇ nya ni caw ba nehˬ˗euˬ nga?