Dawˬ caˇ 144
Laꞈ sawˬ˗ahˇ haw tsoˆ taˬ
(2 Gawˇliˬtu 4:18)
1. Myaˆ maˬ mawˇ deuˬ mawˇ shawˇ laˇ eu meh.
Maˬ gaˬ laˇ deuˬ jiˇ gaˬ maˇ laˇ meh.
Zaˬ deuˬ caˇ˗eu teˇ saˇ gaˬ doe iˇ meh.
Nui saˇ jaˆ meh yawˬ gaˇ na luꞈ.
Dui gaˬ eu deuˬ paˇ gʼoꞈ dehꞈ laˇ ngeh,
shaˬ zahˬ hawˇ iˬ baˇ maˬ paˇ jaˆ meh.
(Caˇ poˆ)
Laꞈ sawˬ ahˇ aˬ dui tuˆ tehˬ taˬ naˇ,
Miˬyehˇ ngehˬ taˬ loꞈ˗ehˇ mˇ ya mawˇ.
2. Huiˬ kʼaˬ yehˇ deuˬ hawˇ˗eu yawˇ tiˬ gaˇ gaˆ,
huiˬ mawˇ neˇ kʼaˬ hmˇ tiˬ gaˇ gaˆ awˇ,
zaˬ yaw nyiˇ aˬ yawꞈ maꞈ ahˇ bo meh,
ehˇ gaˇ naˇ haˬ zaˬ deuˬ teˇ saˇ˗ahˇ.
Teu yamˬ ahˇ myaˆ biˇ maˬ paˇ jaˆ meh,
shaˬ zahˬ mˇ jeˬ hawˇ kʼahˬ lahˇ maˬ jaˆ.
(Caˇ poˆ)
Laꞈ sawˬ ahˇ aˬ dui tuˆ tehˬ taˬ naˇ,
Miˬyehˇ ngehˬ taˬ loꞈ˗ehˇ mˇ ya mawˇ.
(Yaˇ. 11:6-9; 35:5-7; Yoˇ. 11:24-ahˇ haw.)