Gʼawˬ shaˬ gaˬ nya˗eu tsawˇ haˬ laꞈ kʼaˬ cehˇ

1. Laꞈ kʼaˬ cehˇ˗eu Miˬyehˇ gʼawˬ shaˬ gaˬ,

aˬ yawꞈ maˬ gʼeh nya miˇ maˬ ngeuˇ.

Yawꞈ gʼawˬ shaˬ ya gaˬ nui kʼahˇ shiˇ.

Dui ahˇ yawˬ nah na loˬ jeˬ biꞈ.

Noeˬ paˇ deuˬ yawꞈ maꞈ˗euˬ shaˇ dawˬ ahˇ,

Miˬyehˇ ha geuꞈ lehˇ jah ziꞈ nya.

Aˬ dui miˇ tsaˬ pyeuꞈ yawꞈ maˬ ngehˇ.

Aˬ yawꞈ nui ma muiˬ gʼawˬ shaˬ gaˬ.

2. Aˬ dui iˬ baˇ mˇ ngeh maˬ saˇ,

Miˬyehˇ˗ahˇ iˬ baˇ shaˇ pyehˬ mawꞈ ngeh

Yeˬsuˇ gaˇ ma mehˬ aˬ dui ahˇ,

aˬ joˆ˗ehˇ Miˬyehˇ˗ahˇ ya tahˬ shaˇ lehˇ.

‘Cawˬ ahˇ nga maꞈ iˬ baˇ pyehˬ loꞈ˗ehˇ,

nga maꞈ˗ahˇ nawˇ iˬ baˇ pyehˬ nehˬ laꞈ.’

Teu naˇ aˬ dui ahˇ nui ma saˇ,

naˇ eu nui ma kʼawꞈ ngehˇ byoˆ meh.

3. Aˬ dui aˬ cawˬ ahˇ mˇ nehˬ ngeh,

aˬ diˇ biꞈ mawꞈ nui ma bi mawˇ.

Dui ahˇ bi ciˬ poeˬ lehˇ maˬ ngeuˇ,

aˬ cawˬ nui saˇ bi oꞈ gʼaˇ duˬ.

Miˬyehˇ aˬ dui kʼaˇ mˇ jeˬ mawˇ,

Miˬyehˇ biꞈ kʼoꞈ meh aˬ dui ahˇ.

Gʼawˬ shaˬ gaˬ tsawˇ haˬ laꞈ kʼaˬ cehˇ.

Zawˇ ma˗ehˇ muiˬ meh Miˬyehˇ mehˬ shi.