Puˬ haw mawˇ haw laꞈ˗euˬ jeˬ

Yawˬ gʼaˬ na luꞈ˗ahˇ gʼawˬ shaˬ gaˬ

Niˬ˗yuˬ Zi lehˬ miˇ kʼahˬ˗ahˇ˗euˬ mehˇ nmˇ zaˬ miˬ aˬ buˇ tiˬ gʼaˬ “Tiˬ gʼaˬ tiˇ gʼaˬ ngehˬ gʼeh bo saˆ” lehˇ ehˇ˗eu biˬdiˬoˬ haw˗euˬ meh. Biˬdiˬoˬ teu laꞈ kʼoeˇ Yeˬhawˇbaˬ aˬ dui˗ahˇ gʼawˬ shaˬ gaˬ˗eu tehꞈ˗ehˇ maˬ ngeuˇ˗eu maˇ diˇ caw ba nehˬ mawꞈ˗eu lehˇ dzawˇ taˬ˗euˬ meh. (Iˇsaˬyaˇ 63:7-9) Aˬ yawꞈ Yeˬhawˇbaˬ˗ahˇ dzaw geuꞈ˗eu lehˇ noeˬ tsehˆ taˬ. Teu nah laꞈ kʼoeˇ aˬ yawꞈ lehˆ˗ahˇ mˇ myawˬ zeuˇ luꞈ ngeh, nymˇ maˬ bawˬ˗eu zaˬ miˬ aˬ buˇ tiˬ˗ahˇ mawˇ˗awˇ, aˬ yawꞈ˗ahˇ hawˬ zeuˇ nehˬ mawꞈ˗eu meh. Aˬ yawꞈ hawˬ zeuˇ˗awˇ biꞈ ha˗iˇ ngeh, Shaˬ zahˬ maˬ paˇ jaˆ˗eu aˇ nah baw ngaˇ loˇ? lehˇ ehˇ˗eu aˇ taꞈ biꞈ nehˬ˗awˇ tsaꞈ gaˬ˗euˬ meh.

Zaˬ miˬ aˬ buˇ teu gʼaˬ myaˆ biˇ doˆ le˗awˇ, aˬ yawꞈ Saˇ kiˇ˗euˬ nymˇ jiˇ laꞈ kʼoeˇ huiˬ laˇ˗euˬ ma. Ehˇ kʼawꞈ yaw tsaˬ yaw dawˇ jeˬ˗ahˇ neh doˆ le˗euˬ yaw myaˬ kʼoꞈ byah laˇ˗euˬ ma lehˇ ehˇ˗eu meh. Ehˇ kʼawꞈ aˇ nah naˇ aˬ yawꞈ Yeˬhawˇbaˬ jawˇ gaˇ gʼoꞈ kʼoꞈ laˇ nya ni caw ba nehˬ laꞈ lehˇ guiˬ lahˬ shaˇ˗euˬ meh. Mehˇ nmˇ zaˬ miˬ aˬ buˇ aˬ yawꞈ˗ahˇ Jaˇliꞈ biꞈ nehˬ˗awˇ, aˬ yawꞈ nehˬ˗ehˇ Jaˇliꞈ dzaw laˇ˗euˬ meh.a

Aˬ dui Yeˬhawˇbaˬ˗ahˇ dzaw geuꞈ˗eu laꞈ kʼoeˇ aˬ cawˬ deuˬ˗ahˇ, yuiꞈ nyiˇ deuˬ˗ahˇ, aˇ muˇ laꞈ kʼoeˇ˗euˬ mehˇ nmˇ deuˬ˗ahˇ, gʼawˬ shaˬ gaˬ nehˬ mawꞈ˗eu ma. Kʼoeˇ naˇ kʼaˇ gʼeh nya gaˇ neh aˬ cawˬ˗ahˇ tsaꞈ gaˬ˗eu heu neh jiˇ gʼawˬ shaˬ gaˬ˗eu jeˬ mˇ mawˇ nya˗eu meh.