Zan Se vivi nɔ agbe lɔ sɔyi mavɔ! le ao kunuɖeɖedɔ lɔ mɛ

Ejɔ ji nɔ mì mɔ mìɖo wemagbaja koɖo wema yoyu ɖeka ciwo mìasɔ kpla Bibla koɖo amɛwo. Mìdodoɔ gbe ɖaɖa nɔ Yehowa mɔ lé cu shi do egbla ciwo mìdodoɔ ji keŋ awa amɛwo nɔ woanyi nukplaviwo. (Matie 28:18-20; 1 Korɛntitɔwo 3:6-9) Lé mìazan dɔwanu yoyu cɛwo doɔ?

Ci alɔkpa ci mìasɔ kpla vivi nɔ agbe lɔ sɔyi mavɔ!, Bibla kplakpla to seŋkankan ji to akpoɔ, wa do mɔdasɛnamɛ cɛwo ji nɔ èdradrado ayi kplɛ koɖo mɛɖe. Gbewa do mɔdasɛnamɛ lɔwo ji hwecinu èkplɛkplɛ koɖo amɛwo.a

• Hlɛn enukplakpla lɔ yí agbeje nyɔbiɔse lɔwo mɛ

• Hlɛn kpukpui ciwo gbɔ woŋwlɛ do mɔ “hlɛn” yí akpedo nukplavi lɔ nu amɔŋje lé awa do wo ji mɛ

• Xo video lɔwo yí abiɔ nyɔbiɔse ciwo yí le wema lɔ mɛ se keŋ asɔ gbeje wo mɛ

• Nɔ èsɔ nukplakpla ɖekaɔ, tekpɔ nɔ míakplɛ vɛ zeɖeka

Le kunuɖeɖedɔ lɔ mɛɔ, enu ŋkɔtɔ ci àwa yí nyi mɔ, na wemagbaja lɔ keŋ akpɔ mɔ amɛ lɔ sɔ ɖe le ji ma. (Kpɔ dakavi ci yí nyi “Lé woana Se vivi nɔ agbe lɔ sɔyi mavɔ! wemagbaja lɔ le yiyi ŋkɔtɔ hwenu.”) Nɔ míkpla wemagbaja lɔ ɖegbɔ yí Bibla nukplavi lɔ ji mɔ yeayi nukplakpla lɔ jiɔ, na wema lɔ yi yí míatɔ nukplakpla 04 tɔ ji. Nɔ èkplakpla nu koɖo mɛɖe le Enu ci Bibla kpla wema mɛ alo Kpɔtɔ anɔ Mawu lɔnlɔn lɔ mɛ wema mɛɔ, trɔ nukplakpla lɔ yi Se vivi nɔ agbe lɔ sɔyi mavɔ! wema lɔ mɛ yí akpɔ fini yí míatɔɛ ji so.

MÍKPƆ VIDEO CI YÍ NYI LÉ BIBLA NUKPLAKPLA LƆ YINƆ DO, KEŊ AÐO NYƆBIƆSE CIWO MÌAKPƆ YƐ ŊCI:

• Nyi nukplavi lɔwo akpla le wema yoyu lɔ mɛɔ?

• Nyi yí taɖo èɖo adasɛ video cɛ nɔ enukplavi yoyuwoɔ?

• Nyiwo yí èɖo adodoɔ ŋsɛn nukplavi lɔ vivivi mɔ yɛ le wa keke awa woɔ?—Kpɔ dakavi ci yí nyi “Susu vevi lɔ koɖo ɖui awa nu cɛ ciwo yí le akpaxwe ɖekaɖeka”