5-11 AOÛT

EHAJIJI WEMA 70-72

Ehajiji 59 koɖo Gbedodoɖa | Enuɖetinɔnyɔwo (Minici 1)

MAWU NYƆ MƐ DƆKUNUWO

1. “Na xo Nuxu nɔ Hɛnnu Yoyu Ðeka” so Mawu Ŋsɛn nu

(Minici 10)

Davidi kpɔ lé Yehowa glɔnnɔ ta nɔ amɛ do hwenu enyi jajɛ (Eha 71:5; w99 9/1 18 mm 17)

Éwa nɔ Davidi mɔ Yehowa kpedo ye nu hwenu yeku nyɔxo (Eha 71:9; g04 10/8 23 mm 3)

Davidi do ŋsɛn jajɛwo ci exo nuxu so ŋciwo mɛ eto nu nɔ wo (Eha 71:17, 18; w14 1/15 23 mm 4-5)

Xomu ci nyɔ wonu le kwɛshila ci yí vayi mɛ le akpaxwe ci yí nyi “Ese Ciwo ji Woazɔn do yí Awa Sɛnsɛn Xomumɛtɔ.” Woyɔ xomu shinshin ɖeka nɔ sɛnsɛn xomumɛtɔ wowotɔ yí sɔ jijɔ ɖoɖoɔ to hwenu xomu shinshin cɛ dadasɛ fotowo keŋ yí gbexokɔ nuxu nɔ wo so ŋciwo mɛ woto nu.

BIƆ EOÐEKI SE MƆ, ‘Mɛɖe ci yí sɛnsɛn Yehowa so exwe nɛniɖe ke ɖe le hamɛ lɔ mɛ yí ŋji mɔ nabiɔ nyɔ yi se le sɛnsɛn xomumɛtɔ mìwotɔ hwenua?’

2. Bibla mɛ Nuveviwo

(Minici 10)

Eha 72:8—Lé egbe ci Yehowa ɖo nɔ Abraxamu le Gɔnmɛjeje 15:18 vamɛ do le Efyɔ Salomɔ cɛkpakpa hwenuɔ? (it-1 825)

Ao ɖoŋci
Ci èhlɛn Bibla kwɛshila cɛ mɛ tɔ ɖe, enuvevi ciwo nu èji mɔ yeaxo nuxu soɔ?

Ao ɖoŋci

3. Bibla Hlɛnhlɛn

(Minici 4) Eha 71:1-24 (th enukplakpla 5)

TEKPƆ NƆ AO KUNUÐEÐEDƆ ANYƆ DOJI

4. Lé Àwɛ Atɔ Seŋkankan ji Nywiɖe

(Minici 3) SO AXOMƐ YI AXOMƐ. Nɔ amɛ lɔ vatɔ enyɔ dɔndɔn koɖo eoɔ, ɖo te seŋkankan lɔ, vɔ wɛ nywiɖe. (lmd enukplakpla 4 hlɛnhlɛnmɛ 5)

5. Wanɔ Trɔtrɔyiwo Nywiɖe

(Minici 4) KUNUÐEÐE LE AVOMƐ. Èkan seŋ koɖo ao xomumɛtɔ ɖe vayi yí evabubuɔ tamɛ kpɔ mɔ yeakpla Bibla alo yedakplɛ ma. Yi seŋkankan lɔ ji koɖi. (lmd enukplakpla 8 hlɛnhlɛnmɛ 4)

6. Dre ao Jixɔsewo mɛ

(Minici 5) Nuxu. ijwfq 49—Nyɔta: Nyi yí Taɖo Yehowa Kunuɖetɔwo Trɔ Ŋɖewo le Wowo Jixɔsewo nuɔ? (th enukplakpla 17)

KRISTOTƆWO GBENƆNƆ

Ehajiji 76

7. Ŋciwo Woawa le Sɛnsɛn Xomumɛtɔ Hwenu

(Minici 15) Enyɔlekpɔ.

Xomu ci wodasɛ vayi yɛ so je te keŋ yí jikɔ Fyɔɖuxu ha ɖeka.

Ðeka le nyɔnuvi lɔwo mɛ nakɔ ɖoŋci nɔlɔ le Sɛnsɛn Xomumɛtɔ lɔ kpaxwe ɖeka hwenu.

Sɛnsɛn xomumɛtɔ nyi hwenu vevi ci yí ɖeviwo akpla alo axɔ ‘enukplamu koɖo esejinɔnɔ nɔ Yehowa’. (Efe 6:4) Enukplakpla defa o, vɔ atɛnŋ adɔ nakpɔ jijɔ vevitɔ ci ènyi vihwɛ yí kplakpla le àwɛ yí Bibla mɛ nyɔnɔnwiwo ajɔnɔ ji nɔ eo. (Ʒan 6:27; 1 Piɛ 2:2) Trɔ ato dakavi ci yí nyi “Ŋciwo Woawa le Sɛnsɛn Xomumɛtɔ Hwenu” mɛ, ci yí atɛnŋ akpedo jilawo nu nɔ woakpɔ lé woawɛ do keke enukplamu koɖo jijɔ anɔ sɛnsɛn xomumɛtɔ wowotɔ mɛ keŋ agbeje nyɔbiɔse cɛwo mɛ:

Le emɔdasɛnamɛ cɛwo mɛ ɖe, ci èji mɔ yeatekpɔɔ?

Ao ɖoŋci
Ègbekpɔ nubuɖe ci àwa drua?

Ao ɖoŋci

Ŋciwo Woawa le Sɛnsɛn Xomumɛtɔ Hwenu

BIBLA:

Míɖo to kwɛshila lɔ Bibla hlɛnhlɛn ci wolé do eka ji, yí nɔ mɛɖe hlɛn yi kpaxwe ɖegbɔɔ, yi kpena ahlɛn yitɔ. Xomu lɔ mɛtɔ ɖeka ɖeka atɛnŋ ahlɛn enu do nu nɔ amɛ ɖeka ɖeka ci yí le Bibla mɛ
Mídra enyɔbiɔse ɖewo do ɖɛ so kwɛshila lɔ Bibla hlɛnhlɛn nu. Xomu lɔ mɛtɔ ɖeka ɖeka le sɔ enyɔbiɔse ɖeka yí awa numɛkuku so nu. Woatɛnŋ anu ŋci wokpla nɔ mɛkpɛtɛwo
Biɔ enyɔ ɖeka se alo xo nuxu so nɔnɔmɛ ɖeka nu keŋ awa numɛkuku so Bibla gɔnmɛɖose ciwo yí kudo nu le Kpukpui Ciwo Akpedo mì nu Mìanɔ Agbe Mɛ̀mi mɛ
Xo nuxu so Bibla xolɔlɔ kpaxwe ɖeka nu
Kwɛshila ɖeka duuɔ, dra wema ɖeka ci ji àŋwlɛnɔ Bibla kpukpuiwo do shigbe mɔ ciwo yí le enyɔ ciwo le vɔvɔnu A le wemagbaja ci yí nyi Lɔn Amɛwo—Ðo Nukplaviwo mɛ. Le yi goduɔ, lé Bibla kpukpui lɔwo do tamɛ. Sɔ wema ciwo ji èŋwlɛ Bibla kpukpuiwo do le kwɛshila ciwo yí vayi mɛ keŋ atrɔ ato wo mɛ
Kpla akpaxwe ɖe le Se Vivi nɔ Agbe lɔ Sɔyi Mavɔ! wema mɛ
Na dɔ xomu lɔ mɛtɔ ɖeka ɖeka nɔ axo nuxu so nyɔta ciwo yí le “Bibla mɛ nyɔbiɔse ciwo wona doŋci nɔ” alo “Bibla kpukpui ciwo gɔnmɛ woɖe” ciwo yí le BIBLA MƐ NUKPLAMUWO gɔnmɛ le jw.org ji

BƆBƆWO:

Dra akpaxwe ɖeka do nɔ hamɛ bɔbɔ
Dra ɖoŋciwo do keŋ atrɔ ato wo mɛ. Ŋwlɛ enu ɖɛ keŋ anɔ gamɛ ji
Ji Fyɔɖuxu hawo
Kan seŋ so nyɔ ci ànu yí asɔ do ŋsɛn mɛɖe le tɔtɔmɛ alo vɔvɔnu nɔ bɔbɔ lɔ
Kpedo ao xomumɛtɔ ɖeka nu nɔ míatrɔ ato edɔ ci eɖo mɛ le xomu lɔ pleŋ ŋkɔ

KUNUÐEÐE:

Drado so axomɛ yi axomɛ kunuɖeɖedɔ lɔ nu
Drado do trɔtrɔyiwo wawa nu
Bu tamɛ kpɔ so lé àwɛ aɖe kunu le avomɛ nu. Le yi goduɔ, nadrado so le àwɛ atɔ seŋ kankan koɖo amɛ lɔ shigbe mɔ exlɔ mínyi hannɛ nu
Míkan seŋ so lé míawɛ awa sugbɔ doji le kunuɖeɖedɔ lɔ mɛ le Eŋwiɖoɖo hwenu nɔ mídejiji ayi dɔmɛ alo suklu o

XOMU LƆ NUƷANƷANWO:

Míwa wadasɛwo yí asɔ drado ɖɛ nɔ ŋɖe ci yí jɔ alo ci yí avajɔ. Étɛnŋ nyi akpaɖekɛjimanɔmanɔ, amɛjiʒinʒin, egbɛdodowo alo exweɖuɖuwo
Míwa totomɛ ɖe yí awanɔ dradrado ɖɛ. Eyi le hwehunnɔnuɔ, vidawo koɖo ɖeviwo atrɔ edɔ ciwo wowanɔ. Ðeviwo awa numɛkuku so nyɔta ci yí kuso jilawo nu yí asɔ xo nuxu koɖo jilawo

ENUBU CIWO WOAGBEWA DRU:

Míkpɔ JW Televiʒiɔn^® toto ɖeka yí akan seŋ so nu
Míhlɛn nyɔta ɖeka alo akpɔ video ɖeka le jw.org ji keŋ akan seŋ so nu
Míbu tamɛ kpɔ so ŋɖewo ciwo yí xo nuxu so “jajɛwo”, “ɖeviwo” ci yí le akpaxwe ci yí nyi “BIBLA MƐ NUKPLAMUWO le jw.org ji
Mítrɔ ato enu ɖe ci míŋwlɛ ɖɛ le takpekpegan ɖe alo le takpekpe ɖe mɛ
Míwa numɛkuku alo aglo enuwawawo kpɔ yí akpɔ ŋci wokpla mí so Yehowa nu
Nɔ emɔ hun nɔ míɔ, míyɔ mɛbuwo nɔ woavanɔ eju koɖo mí, eyi míabiɔ enyɔ wo se
Míɖo tajinu gbɔngbɔnmɛtɔwo yí akan seŋ so lé míawɛ aɖo wo gbɔ nu
Míwa dɔ doju so edɔ ɖe nu shigbe woata Nowe dakahun koɖo nyigbantata ciwo yí le Bibla mɛ alo mìwo wemawo mɛ hannɛ

Xo VIDEO Míwɛ nɔ Sɛnsɛn Xomumɛtɔ Míwotɔ Anyɔ Doji keŋ abiɔ se mɔ:

Lé ŋsu ɖe awɛ keke eji ajɔnɔ ashiɛ le sɛnsɛn xomumɛtɔ hwenu nɔ ɖeviwo degbele axomɛ koɖo woɔ?

Ao doŋci

8. Hamɛ Bibla Nukplakpla

(Minici 30) bt Eta 13 mm. 17-24