22-28 DÉCEMBRE
EZAI 11-13
Ehajiji 14 koɖo Gbedodoɖa | Enuɖetinɔnyɔwo (Minici 1)
1. Lé Mɛsia lɔ Ale Doɔ?
(Minici 10)
Ányi Ʒɛse jijimɛvi to eviɛ Davidi ji (Ezai 11:1; ip-1 159 mm. 4-5)
Mawu gbɔngbɔn lɔ ale ji yí avɔn nɔ Yehowa (Ezai 11:2, 3a; ip-1 159 mm. 6; 160 mm. 8)
Ányi kojoɖotɔ jɔjɔɛ ci yí aku ŋshishi nɔ amɛ (Ezai 11:3b-5; ip-1 160 mm. 9; 161 mm. 11)
BUI KPƆ: Nyi yí taɖo Yesu wugan agbetɔ cɛkpakpa ɖekpokpuiɔ?
2. Bibla mɛ Nuveviwo
(Minici 10)
Ezai 11:10—Lé enyɔnuɖɛ cɛ vamɛ doɔ? (ip-1 165-166 mm. 16-18)
Ci èhlɛn Bibla kwɛshila cɛ mɛ tɔ ɖe, enuvevi ciwo nu èji mɔ yeaxo nuxu soɔ?
3. Bibla Hlɛnhlɛn
(Minici 4) Ezai 11:1-12 (th enukplakpla 11)
4. Lé Àwɛ Atɔ Seŋkankan ji Nywiɖe
(Minici 3) SO AXOMƐ YI AXOMƐ. (lmd enukplakpla 2 hlɛnhlɛnmɛ 5)
5. Wànɔ Trɔtrɔyiwo Nywiɖe
(Minici 4) KUNUÐEÐE LE JUGBAJA. Zan jw.org asɔ na ɖoŋci nɔ enyɔ ci amɛ lɔ biɔ se. (lmd enukplakpla 8 hlɛnhlɛnmɛ 3)
6. Bibla Nukplaviwo Ðoɖo
(Minici 5) Kpedo ao Bibla nukplavi nu nɔ adra do aɖe kunu koɖo eo so axomɛ yi axomɛ. (lmd enukplakpla 11 hlɛnhlɛnmɛ 4)
Ehajiji 57
7. ‘Èɖonɔ Kojo Jɔjɔɛa’?
(Minici 15) Enyɔlekpɔ.
Gbeɖeka duuɔ, mìɖonɔ susu vovovo do amɛwo nu, eyi hweɖewonuɔ, mìwɛni tamɛmabukpɔtɔ. Taŋfuin mìkpɔnɔ lé amɛ lɔ le do yí adrɔ nyɔ do nu. Éle ahan gan, Yesu ci yí nyi kpɔwɛ nɔ mì kpɔnɔ amɛwo do bu. (Ezai 11:3, 4) Yesu sun ji yí kpɔnɔ ji mɛ nɔ amɛ, enu ci yí amɛ lɔ bukɔ kpɔ, lé edrɔdrɔ enyɔ kpɔ do koɖo enu ci yí dɔ ewawa nuwo. Mìwodasun ji awa nu ahan o. Éle ahan gan, mìatɛnŋ wa ci ji mìkpe keŋ asran Yesu. Énu mɔ: “Míŋgbekpɔnɔ lé amɛ le do asɔ ɖo kojo ni o, vɔ míɖonɔ kojo jɔjɔɛ.”—Ʒan 7:24.
Ezo ci mìsɔnɔ do kunuɖeɖedɔ lɔ nu koɖo lé mìwɛni do atɛnŋ aci, nɔ mìkpɔnɔ lé amɛwo le do yí sɔ ɖonɔ kojo nɔ wo. Le kpɔwɛ mɛ, mìxonɔ nu kpɔ gbɔxwe aɖe kunu nɔ mìwo xwexatɔ ciwo yí donɔ egbe bu alo le sɛnsɛn buwo mɛa? Vɔ lé mìwɛni nɔ mìwo xwexatɔ ciwo yí nyi hotɔnɔ alo abɔnɔɔ? Mìnunɔ mɔ lé mɛ cɛ yɛle doɔ, enyɔ lɔ dajɔ ji nia? Mawu dro enyi mɔ “wo a hwlɛn amɛwo pleŋ gan. Yí, É mɔ amɛwo pleŋ a jeshi nyɔnɔnwi” lɔ.—1Tim 2:4.
Xò VIDEO Nukplamu Ciwo yí le Jutakpɔxɔ mɛ—Ŋgbekpɔ lé Amɛ le do Asɔ ɖo Kojo ni o yí abiɔ se mɔ:
Vovototo do amɛ mɛ ciwo nu woxo nuxu so le video lɔ mɛɔ?
Nɔ wodo vovototo amɛwo mɛ le hamɛ lɔ mɛ ɖe, nyi yí ajɔ do hamɛ lɔ jiɔ?
Nyi yí kpedo Kristotɔ ciwo wobiɔ nyɔ se lɔwo nu yí wodekpɔ do lé amɛwo le do yí ɖo kojo nɔ woɔ?
Nyi èkpla le Jutakpɔxɔ nukplakpla lɔ mɛɔ?
8. Hamɛ Bibla Nukplakpla
(Minici 30) lfb enukplakpla 46-47