Wanɔ Do Toto ci Èwa yí Ahlɛnnɔ Bibla Gbeɖeka Duu Ji

Ci edɔwo sugbɔ le ekɔ nɔ eo yí àwa ɖe, égbɔnnɔnu nɔ eo mɔ àwa do toto ci èwa yí ahlɛnnɔ Mawu Nyɔ lɔ gbeɖeka duu jia? (Ʒoz. 1:8) Nɔ enyi ahan yɔ nɛɔ, tè ɖeka le ŋcɛwo ciwo yí gbɔgbɔ mɛ kpɔ:

• Tekpɔ nɔ enu ɖe aɖonɔ ŋwi nɔ eo. Wɛ nɔ alamu ao telefonu tɔ alo ao ɔdinatɛɛ tɔ aɖonɔ ŋwi nɔ eo mɔ èɖo ahlɛn Bibla.

• Sɔ Bibla sɔ ɖo texwe vevi ɖeka keŋ yí akpɔɛni. Nɔ enyi mɔ Bibla ci yí le wema ji yí le eo shiɔ, sɔɛ dado fini akpɔɛni le fafɛɖe ŋkeŋke.—2 Ese. 11:18.

• Ðonɔ to Bibla kpaxwe ɖe ci wolé do eka ji. Nɔ èwakɔ edɔ le axomɛɔ, ɖonɔ to Bibla kpaxwe ɖe ci wolé do eka ji. Tara ci yí nyi emɔɖetɔ ɖeka koɖo evinɔ yí wanɔ edɔ zanmɛ nu mɔ: “Nɔ ŋsekɔ Bibla kpaxwe ɖe ci wolé do eka ji hwenu ŋle axomɛdɔwo wakɔɔ, ékpenɔdo ŋnu yí ŋhlɛnnɔ Bibla gbeɖeka duu.”

• Ŋgbena ta o. Nɔ enu maɖonudonuwo vadahɛn toto ci yí èwa mɔ yeahlɛnnɔ Bibla can ɔ, tèkpɔ ahlɛn kpukpui kanki ɖewo kpetii keŋ gbɔxwe ayi mlɔ anyi. Le gbeɖeka duuɔ, àkpɔ nyɔna nɔ enyi kpukpui ɖewo kpoŋ yí èhlɛnnɔ can.—1 Piɛ 2:2.