Enyɔtakankan nɔ mɛ ciwo yí va takpekpe lɔ

ANYINƆXUJIKPƆTƆWO Woɖo anyinɔxujikpɔtɔwo ɖɛ mɔ woakpedo eo nu. Mìɖe kuku, wa do emɔdasɛnamɛ ciwo woana eo so ehun, zokeke alo keke dadoxu, fini woato, texwe lélé ɖɛ koɖo nubuwo nu ji.

ӠINӠINDOSHIMƐ Wogbe ӡinkpin ɖɛ do ŋkɔ nɔ mɛ ciwo yí jikɔ awa ӡinӡindoshimɛ. Nɔ wovawa trɔtrɔ ɖe so nuɔ, woanui le nunɔwoasewo mɛ doŋkɔ. Mɛ ciwo yí jikɔ awa ӡinӡindoshimɛ ɖo ava nɔ anyi do texwe lɔwo gbɔxwe woatɔ ӡinӡindoshimɛ nuxu lɔ nana le zozangbe nyidinmɛ. Ӡinӡindoshimɛwatɔ ɖekaɖeka ɖo ahɛn enucucugotu koɖo enudodo ci yí je nɔ eshimɛ ɖoɖo.

ENUNANAWO Wozan eho sugbɔ do ӡinkpinwo, ehaxonuwo, videoxonuwo koɖo nubuwo nu nɔ mìase vivi nɔ takpekpegan lɔ yí agbekpedo mì nu mìate gogo Yehowa doji. Lɔnlɔn faa nunana míwo tɔ yí wosɔ kpɔnɔ ehozanzan lɔwo gbɔ yí gbesɔ donɔ alɔ xexeɛ pleŋ mɛ dɔ lɔ. Wosɔ enunana dakavi ciwo ji woŋwlɛ nu do yí eze petii, dado texwe vovovowo. Àtɛnŋ ayi donate.jw.org ji yí ana nu to kaji. Mìkpɔnɔ jijɔ sugbɔ so enunana ɖeshiaɖe nu. Edɔjikpɔha lɔ dokɔ akpe nɔ mí sugbɔ, ɖo mísɔ xomɛvu dokɔ alɔ Fyɔɖuxu lɔ dɔwo.

CIKENAXU Mìɖe kuku, ŋgbeŋlɔbe mɔ edɔ̀leamɛ kpata cike ɖekɛ yí wonanɔ o.

ENUBUBUWO DADOXU KOÐO WOWO JIXU Mísɔ ŋɖekpokpui ci míkpɔ yi enububuwo dadoxu koɖo wowo jixu dɔwaxu. Nɔ ŋɖe bu nɔ eoɔ, yi ji kpɔ le dɔwaxu lɔ. Woɖo akplɔ evi ciwo yí bu do wowo jilawo yi dɔwaxu lɔ hɛnnɛ. Ganŋke nɔ evi ŋgbevabu nɔ eo yí naxa le eoɖeki mɛɔ, mìɖe kuku, lé ŋkuvi do ao viwo nu nywiɖe, yí ana woanɔ axa nɔ eo.

ANYINƆXU Mìɖe kuku, sɔ ɖe le ji nɔ mɛbuwo. Ðo ŋwi mɔ ao xomumɛtɔwo, mɛ ciwo yí míwo koɖo wowo zɔn mɔ doju koɖo ao Bibla nukplaviwo ɖekɛ yí alé texwe daɖɛ nɔ. Míŋgbesɔ ŋɖe dado anyinɔxu kpɛtɛwo o.

LƆNLƆN FAA DƆWATƆWO Nɔ èji mɔ yeakpe ashi do edɔ vovovowo nu le takpekpegan lɔ mɛɔ, mìɖe kuku yi enyɔtakankanwo koɖo lɔnlɔn faa dɔwawa jikpɔxu.

BƆBƆ VEVI ÐEKA

Fyɔɖuxu ŋɛnywidratɔwo suklu Woyɔkɔ emɔɖetɔ ciwo yí ɖo exwe 23 sɔ yi 65 yí ji mɔ yewoakeke sumɔsumɔdɔ yewo tɔ doji mɔ, wo le va bɔbɔ ci woawa koɖo mɛ ciwo yí ji mɔ yewoayi eŋɛnywidratɔwo suklu le kwɛshilagbe nyidɔnmɛ. Woavanu gamɛ koɖo texwe ciwo koŋ woawɛ le.