Nyɔtakankan Nɔ Mɛ Ciwo Yí Va

ANYINƆXU Mìɖe kuku, bu mɛbuwo tɔ kpɔ. Ðo ŋwi mɔ ao xomumɛtɔwo, eo koɖo mɛ ciwo yí zɔn, koɖo ao Bibla nukplaviwo ɖekɛ yí àtɛnŋ asɔ texwe daɖɛ nɔ. Mìɖe kuku, ŋgbesɔ enuwo dado texwe ciwo dèsɔ daɖɛ o.

ANYINƆXUJIKPƆTƆWO Woɖo anyinɔxujikpɔtɔwo ɖɛ nɔ woakpedo eo nu. Mìɖe kuku wa nu koɖo wo alɔlealɔmɛ keŋ awanɔ do wowo mɔdasɛnamɛwo ji kuso drexuwo, afɔtoxuwo, texwesɔsɔdaɖɛwo koɖo nubuwo nu.

CIKENAXU Mìɖe kuku, ɖo ŋwi mɔ edɔ̀jeamɛji le avomɛ ɖekɛ yí woana cike amɛ nɔ.

ENUBUBUWO KOÐO ENU CIWO WOKPƆ Nɔ èkpɔ ŋɖe yí dèjeshi etɔ niɔ, sɔɛ yi Enububuwo koɖo Wowo Jijikpɔ Dɔwaxu. Nɔ ŋɖe bu nɔ eoɔ, yi dɔwaxu cɛ keŋ aji kpɔ le enɔ. Nɔ ɖevi ɖe bu do yi jilawoɔ, kplɔɛ yi dɔwaxu cɛ. Ele ahan gan, mìɖe kuku, le ŋkuvi do viowo nu nywiɖe, nɔ woŋgbevabu yí ado aya nɔ eo gbaagbali o.

LƆNLƆN FAA DƆWAWA Nɔ èji mɔ yeado alɔ edɔ ciwo yí kan takpekpegan lɔɔ, mìɖe kuku, yi Nyɔtakankanwo koɖo Lɔnlɔn Faa Dɔwawa Jikpɔxu.

NUNANAWO Wozan eho sugbɔ do ʒinkpin nywiwo, ehaxonuwo, videoxonuwo koɖo nubuwo nu nɔ mìase vivi nɔ takpekpegan lɔ, nɔ akpedo mì nu mìate gogo Yehowa doji. Ao lɔnlɔn faa nunanawo yí wosɔ kpɔnɔ ehozanzan sugbɔ cɛwo koɖo xexeɛ pleŋ mɛ dɔ lɔ gbɔ. Wosɔ enunana dakavi ciwo ji woŋlwɛ nu do yí eze petii do texwe vovovowo. Àtɛnŋ ana nu le ka ji le donate.jw.org ji hɛnnɛ. Ao nunanawo pleŋ jeŋ nɔ mì sugbɔ. Edɔjikpɔha lɔ mɔ wo le do akpe nɔ eo, ci èsɔ xomɛvu dokɔ alɔ Fyɔɖuxu lɔ nuwo.

ƷINƷINDOSHIMƐ Nɔ wodena mɔdasɛnamɛ buɔ, ʒinʒindoshimɛwatɔwo yí woagbe ʒinkpin ŋkɔtɔ ciwo yí le ŋkɔ nɔ nuxuxotɔ lɔ ɖɛ nɔ. Ʒinʒindoshimɛwatɔwo ɖo anɔ nyinɔnɔ do texwe lɔ gbɔxwe woatɔ ʒinʒindoshimɛ nuxu lɔ xoxo Zozangbe nyidin. Ʒinʒindoshimɛwatɔ ɖeshiaɖe le hɛn nucucugotu koɖo nudodo ci yí je nɔ eshi mɛ yiyi.

Yehowa Kunuɖetɔwo Dɔjikpɔha lɔ yí wa toto lɔ