Na nɔ amɛɖekishi nukplakpla ao tɔ ahɛnnɔ nyɔna sugbɔ vɛ nɔ eo

ENU CI YÍ NA ELE VEVIÐE: Mawu Nyɔ lɔ kplakpla le amɛɖekishi akpedo mì nu mìanya lé nyɔnɔnwi lɔ ‘keke bonu, jinjin, yi eji, yí cito do.’ (Efe 3:18) Amɛɖekishi nukplakpla agbekpedo mì nu mìakpɔtɔ anɔ mɛmiɖe eɖyimaxomaxo le xexe vwin cɛ mɛ, yí ‘alé agbe nyɔ lɔ do ashi gogwiɖe.’ (Fili 2:​15, 16) Mawu Nyɔ lɔ kplakpla le amɛɖekishi na emɔ mɛɖekaɖeka yí esɔnɔ enu ci yí ʒin keŋ yí kplanɔ. Lé mìawɛ nɔ Bibla hlɛnhlɛn koɖo Bibla kplakpla ahɛn nyɔna sugbɔ vɛ nɔ mìɔ?

LÉ MÌAWƐ DO:

• Do jeshi kpukpuiwo yí aŋwlɛn enuwo do wo gbɔ le Bibla ci èsɔ wakɔ amɛɖekishi nukplakpla mɛ, nɔ enyi Bibla ci yí le ɛntɛnɛti ji yɔ can

• Nɔ èhlɛnkɔ Mawu Nyɔ lɔɔ, biɔ nyɔ cɛwo eoɖeki se: ‘Mi yɔɔ? Nyi yɔɔ? Hwenuɔ? Finiɔ? Nyi yí taɖoɔ? Léɔ?’

• Ji enujɔjɔ lɔwo kpɔ. Zannɔ numɛkukuwema ciwo yí li asɔ jinɔ gɔnmɛ kpɔ nɔ enyɔci abi Bibla kpukpui ɖe

• Bu tamɛ kpɔ so enu ci èhlɛn nu keŋ ado jeshi lé enyɔ lɔ kan eo do

• Wa do enu ci èkpla ji le ŋkeke ɖeshiaɖe gbenɔnɔ ao tɔ mɛ.​—Lk 6:​47, 48

KPƆ VIDEO CI YÍ NYI ‘LE AGBE NYƆ LƆ DO ASHI GOGWIÐE’​—TO ENUKPLAKPLA KITOKITO JI, KEŊ ANA ÐOŊCI NƆ ENYƆBIƆSE CIWO YÍ GBƆGBƆ:

• Enyɔ ciwo yí mɛɖewo nu so amɛɖekishi nukplakpla nuɔ?

• Nyi yí taɖo mìɖo adonɔ gbe ɖaɖa gbɔxwe atɔnɔ amɛɖekishi nukplakpla jiɔ?

• Nyi yí atɛnŋ akpedo mì nu yí mìase Bibla kpaxwe ɖe mɛ nywiɖeɔ?

• Jeshidonu ciwo mìatɛnŋ azan asɔ do jeshi nu le Bibla enukplakplatɔ mìwo tɔ mɛɔ?

• Nyi yí taɖo tamɛbubukpɔ le veviɖe sugbɔ hwecinu mìkplakɔ Mawu Nyɔ lɔɔ?

• Nyi mìɖo awa koɖo enu ci mìkplaɔ?