Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
Yehowa Kunuɖetɔwo sɔ emɔ nywi ɖeka ci ji woato akpla ŋciwo yí le Bibla mɛ, ɖokɔ ŋmɛ nɔ eo. Mìwo Bibla nukplakpla toto lɔ akpedo eo nu:
Nakpɔnɔ jijɔ le agbe mɛ
Nanyi Mawu xlɔ
Nakpla gbeɖu ciwo yí le Bibla mɛ kudo esɔ mɛ nu
Le kpashi cɛ mɛ
Nɔ ŋlɔn yí tɔ Bibla kplakpla ɖe, woaƷin ŋji mɔ nyɛ le nyi Yehowa Kunuɖetɔa?
Lé nawɛ nɔ ŋkpla Bibla koɖo Yehowa Kunuɖetɔwo kpɔ vayiɔ? Nɔ ŋhɛn nagbekplɛ kea?
Míɖo Bibla nukplakpla mɔnu ciwo mɛ yí amɛ ŋtɔ akpla Bibla yiɖeki lea?
Lé Mìwanɔ Bibla nukplakpla doɔ?
Bibla kplamɛtɔ ɖeka akpedo eo nu yí namɔŋje Bibla mɛ nyɔbiɔsewo mɛ ɖekaɖeka. Àtɛnŋ azan Bibla kplakpla to seŋkankan ji le Se vivi nɔ agbe lɔ sɔyi mavɔ! wema lɔ mɛ yí asɔ kpla enyɔ ciwo yí le Bibla mɛ vivivi koɖo lé atɛnŋ akpedo eo nu do. Nɔ èji mɔ yease nubuwo mɛ dojiɔ, kpɔ video cɛ.
Nacu ho nɔ Bibla kplakpla lɔa?
Oo. Mìwanɔ do emɔdasɛnamɛ ci Yesu na yi nukplaviwo ji: “Ehomana yí míwo xɔɛ fɛɛ, mí sɔ na amɛwo gbali fɛɛ.” (Matie 10:8) Wodecunɔ ho nɔ mìwo nukplamɛtɔwo o, yí dana ho gbɔxwe axɔ Bibla alo Se vivi nɔ agbe lɔ sɔyi mavɔ! wema lɔ o.
Gaxoxo nɛni enukplakpla lɔ awaɔ?
Enukplakpla lɔwo pleŋ nyi 60. Eoŋtɔ yí akpɔ lé àwɛ do, vɔ mɛ ciwo yí kplakpla Bibla ɖewo kpɔɛ mɔ yɛnyɔ nɔ yewo mɔ yewoaɖegbɔ nɔ enukplakpla ɖeka alo ci yí wu ahan le kwɛshila ɖeka mɛ.
Lé natɔɛ ji doɔ?
1. Do alɔ wema mɛ le ɛntɛnɛti ji. Mìazan amɛŋtɔ nyɔtakankan ci èsɔ ɖaɖa mì to ɛntɛnɛti ji yí sɔ biɔ enukplakpla lɔ keŋ nɔ mɛɖeka ayɔ eo alo avaji eo kpɔ.
2. Enukplamɛtɔ ɖeka ayɔ eo alo avaji eo kpɔ. Ao nukplamɛtɔ lɔ adre lé Bibla kplakpla to seŋkankan ji yinɔ do, yí agbena ɖoŋci nɔ enyɔ ɖekpokpui ci àbiɔ se.
3. Eo koɖo ao nukplamɛtɔ lɔ awa toto nɔ nukplakpla lɔ. Woatɛnŋ akpla nu lɔ ŋmɛŋmɛ alo le telefonu ji, videokacaca ji alo enuŋwlɛŋwlɛ ɖaɖa amɛ ji. Le kpaa mɛɔ, enukplakpla lɔ xɔnɔ gaxoxo ɖeka, vɔ atɛnŋ aɖe kpɔtɔ alo ajinjin doji sɔ koɖo lé amɛ lɔ vo do.
Nate nukplakpla lɔ kpaxwe ɖeka kpɔ doŋkɔ drua?
Ɛɛ. Nɔ àwɛɔ, do alɔ wema mɛ le ɛntɛnɛti ji. Nɔ mɛ ci yí akpla nu lɔ koɖo eo yɔ eo, alo va eo gbɔɔ, nu ni mɔ yejikɔ ate enukplakpla lɔ kpɔ mɔ yɛajɔ ji nɔ ye ma. Enukplamɛtɔ lɔ azan Se vivi nɔ agbe lɔ sɔyi mavɔ! wemagbaja lɔ ci mɛ enuɖeɖeti nɔ Bibla nukplakpla amɛtɔn le, asɔ kpedo eo nu yí nakpɔ mɔ enukplakpla lɔ vivi ma.
Nɔ ŋlɔn yí tɔ Bibla kplakpla ɖe, woaƷin ŋji mɔ nyɛ le nyi Yehowa Kunuɖetɔa?
Oo. Ejɔnɔ ji nɔ Yehowa Kunuɖetɔwo mɔ yewoakpla nu amowo kudo Bibla nu, vɔ mìdeƷinnɔ mɛɖe ji gbeɖe nɔ avatɔ sɛnsɛn koɖo mì o. Ci mìnya mɔ, mɛɖekaɖeka ɖo acɛ yí asɔ sɛnsɛn ci mɛ anɔɔ, mìsɔ bubu kplanɔ enu ciwo yí le Bibla mɛ amowo.—1 Piɛ 3:15.
Natɛnŋ azan nyɛŋtɔ Biblaa?
Ɛɛ. Àtɛnŋ azan Bibla gɔnmɛɖeɖe ɖekpokpui ci èji. Ci Xexe Yoyu Gɔnmɛɖeɖe nɔ Ŋwlɛŋwlɛ Kɔkɔɛwo ci yí sɔgbe yí gbenyanɔ sese zanzan jɔnɔ ji nɔ mì can ɔ, mìnya mɔ amɛ sugbɔ jinɔ mɔ yewoazan gɔnmɛɖeɖe ci yí mado yewo.
Natɛnŋ ayɔ mɛbuwo nɔ woava bɔdo ŋnu le nukplakpla lɔ mɛa?
Ɛɛ. Ao xomu pleŋ alo exlɔ ciwo èji mɔ yeayɔ, atɛnŋ abɔ do eo nu.
Lé nawɛ nɔ ŋkpla Bibla koɖo Yehowa Kunuɖetɔwo kpɔ vayiɔ? Nɔ ŋhɛn nagbekplɛ kea?
Ɛɛ. Le nyɔnɔnwi mɛɔ, àse vivi nɔ Bibla nukplakpla cɛ tɔ wu sasa tɔ, ɖo wotrɔ alɔ ni nɔ akpedo amowo nu woatɛnŋ anɔ agbe nywiɖe le egbɛ xexe lɔ mɛ. Videowo koɖo seŋkannyɔwo le Bibla nukplakpla toto cɛ mɛ sɔwu sasa tɔwo.
Míɖo Bibla nukplakpla mɔnu ciwo mɛ yí amɛ ŋtɔ akpla Bibla yiɖeki lea?
Ɛɛ. Ci Bibla nukplavi sugbɔtɔ mɔnɔŋje enuwo mɛ wu nɔ enukplamɛtɔ ɖe kpekpeɛdo wo nu can ɔ, mɛɖowo kpɔɛ mɔ yɛanyɔ mɔ yewoŋtɔwo atɔ yewoɖekiwo kplakpla doŋkɔ. Àtɛnŋ azan mìwo Bibla nukplakpla dɔwanuwo koɖo dɔwanu buwo ehomana. Enu cɛwo atɛnŋ akpedo eo nu le ao Bibla nukplakpla lɔ mɛ. Edɔwanu ciwo yí atɛnŋ akpedo eo nu ke:
Bibla mɛ nukplakplawo le ɛntɛnɛti ji. Enukplakpla cɛwo to seŋkankan ji ana ɖoŋci nɔ agbe mɛ nyɔbiɔse vevitɔwo shigbe mɔ: Mi Mawu nyiɔ? Nyi yí taɖo efunkpekpe koɖo enuvwinwawa liɔ? Mawu avaɖo te efunkpekpewoa?
Bibla mɛ Videowo. Enukplakpla video kleŋkleŋ cɛwo drenɔ Bibla nukplamu veviwo mɛ.
Ðoŋci nɔ Bibla mɛ nyɔbiɔsewo. Nyɔta cɛwo na ɖoŋci nɔ Bibla mɛ nyɔbiɔse sugbɔsugbɔwo.
Bibla mɛ kpukpui ciwo mɛ wodre. Kpɔ susu vevi ciwo yí le Bibla kpukpui koɖo nyɔfɔkpe ciwo wojeshi ɖɛ nywiɖe mɛ.