Lé Woazan Bibla Kplakpla Videowo do

Bibla kplakpla video amɛnɛ yí le mì shi yí mìzannɔ le kunuɖeɖedɔ lɔ mɛ. Susu ci yí taɖo wowa wowo domɛtɔ ɖekaɖekaɔ?

• 

  Nyi yí taɖo Woakpla Biblaɔ?—Jinjintɔ. Wowɛ yí asɔ kpedo amɛwo nu nɔ woasɔ ɖe le Bibla mɛ nyɔwo ji nɔ wogbele sɛnsɛn ɖekpokpui mɛ can. Édonɔ ŋsɛn mɛ ciwo yí kpɔɛni nɔ woaji ɖoŋci nɔ agbemɛ nyɔbiɔse veviwo kpɔ le Bibla mɛ yí gbenu lé enyɔ ci yí le Bibla mɛ sɔgbe do. Édre lé woabiɔ Bibla nukplakpla do.

• 

  Nyi yí taɖo Woakpla Biblaɔ? (kpokpuitɔ). Ele shigbe jinjintɔ lɔ ɛnɛ, vɔ jinjinmɛ yitɔ nyi jinjintɔ lɔ madotɔn. Ánya zanzan le nyigbanmama ci mɛ yí amɛwo nɔnɔ hwlɛndoji le.

• 

  Lé Mìwanɔ Bibla Nukplakpla doɔ? Wowɛ yí asɔ kpedo amɛwo nu nɔ woasɔ ɖe le Bibla kplakpla ehomaxɔ ci mìwanɔ koɖo amɛwo mɛ yí agbena ɖoŋci nɔ enyɔ ciwo yí amɛwo biɔnɔ se kudo nu koɖo lé woabiɔ Bibla nukplakpla do.

• 

  Lé Bibla nukplakpla lɔ Yinɔ do. Wowɛ keŋ nɔ woavadasɛ yi nɔ Bibla nukplaviwo. Ci enyi kpashi amɛve tɔ ji video lɔ le nɔ Se vivi nɔ agbe lɔ sɔyi mavɔ! wema lɔ can ɔ, wohɛn woadasɛ yi nɔ nukplavi lɔ nɔ wokankɔ seŋ le Se vivi nɔ agbe lɔ sɔyi mavɔ! wemagbaja lɔ mɛ. Video lɔ xo nuxu so ŋciwo yí le wema lɔ mɛ koɖo ŋci yí nukplavi lɔ atɛnŋ akpɔkpɔ mɔ nɔ le seŋkankan lɔ hwenu.

Ci enyi susu hamɛhamɛ yí dɔ yí wowa video lɔwo can ɔ, wohɛn woadasɛ ɖekpokpui le wo mɛ alo asɔ ɖaɖa mɛɖe nɔ esɔgbe mɔ woawɛ ahan. Wodo ŋsɛn eŋɛnywidratɔwo mɔ wo le jeshi video cɛwo ɖɛ nywiɖe yí amado wo nɔ woawa ɖaŋ azin le kunuɖeɖedɔ lɔ mɛ.