Cukaɖawo pleŋ avavɔ gbeɖeka

Cukaɖawo ana mìagbɔjɔ fafɛɖe dru, vevitɔ nɔ evawawa nɔ mì shigbe wodevɔvɔ hannɛ. Davidi nya mɔ ye cukaɖa ciwo yí so Efyɔ Sɔlu gbɔ avavɔ gbeɖeka yí yeavanyi fyɔ shigbe lé Yehowa nui ɖɛ do nɛ. (1Sam 16:13) Xɔse ci Davidi ɖo kpedo nu edo ʒinxo yí nɔ te kpɔ Yehowa.

Nɔ mìle tetekpɔ mɛɔ, mìtɛnŋ zannɔ nunya, enujejeshi alo enujikpekpe ci yí nyi tamɛbubukpɔ keŋ asɔ trɔ mìwo nɔnɔmɛ lɔ. (1Sam 21:12-14; Elo 1:4) Ele ahan gan, cukaɖa ɖewo akpɔtɔ ani nɔ mìwa ŋciwo pleŋ yí sɔgbe koɖo Bibla gɔnmɛɖosewo can. Nɔ ejɔ ahan ɔ, ele mɔ mìado ʒinxo yí anɔ te kpɔ Yehowa. Sabaɖeɔ, áɖe mìwo funkpekpewo pleŋ swi yí “acucu ɖashi keŋkeŋ le ŋkuviwo ji nɔ” mì. (Enyɔ 21:4) Nɔ Yehowa wa ŋɖe yí mìkpɔ akɔn fɛ loo alo nubuɖe yí dɔ mìkpɔɛ can ɔ, kankandoji ɖeka yɛ li. Eyi nyi mɔ, cukaɖawo pleŋ avavɔ gbeɖeka. Ecɛ na mìkpɔnɔ vovo ɖekatɔ yɛ.

MÍKPƆ VIDEO CI YI NYI JUKƆN ÐEKA MƐ TƆWO WA NƆVI LE XEXE CI YÍ MA MƐ, KEŊ AÐO NYƆBIƆSE CIWO MÌAKPƆ YƐ ŊCI:

• Cukaɖa ciwo mɛ yí nɔvi ɖewo ciwo le fɔde nɔ Etas-Unis toɔ?

• Lé wodasɛ mɔ yewodonɔ ʒinxo yí gbelɔnnɔ nɔnɔ doɔ?

• Lé wowɛ yí kpɔtɔ sɔ wowo susu ɖo “enu ciwo yí le veviɖe wu” jiɔ?—Fili 1:10, NWT