KRISTOTƆWO GBENƆNƆ
Lɛngbɔkplɔtɔ Ciwo yí Wanɔ Edɔ Ciwo mɛ Nyɔnawo Tonɔ so nɔ Yehowa Mɛwo
Amɛ sugbɔ ɖonɔ susu vɔn do acɛ ci yí le mɛɖe shi nu. Mìmɔŋje enu ci yí dɔ enyi ahan mɛ. So gbeɖegbe ɖiiɔ, agbetɔwo zannɔ acɛ ci woɖo nɔ wowoŋtɔwo leɖuɖu. (Mishe 7:3) Ejɔ ji nɔ mì sugbɔ, ci wona kpla hamɛmɛshinshinwo nɔ woazan acɛ ci woɖo keŋ nɔ Yehowa mɛwo akpɔ nyɔna le mɛ.—Ɛst 10:3; Matie 20:25, 26.
Hamɛmɛshinshinwo to akpo nɔ mɛ ciwo yí le acɛtɔxuwo le xexeɛ mɛ. Wowanɔ wowo dɔ shigbe amɛjikpɔtɔ nɛ, ɖo wolɔn Yehowa koɖo yi mɛwo. (Ʒan 21:16; 1 Piɛ 5:1-3) Ci enyi Yesu yí kplɔkplɔ woɔ, lɛngbɔkplɔtɔ cɛwo kpenɔdo eŋɛnywidratɔ ɖekaɖeka nu, nɔ woavoŋ le wowoɖekiwo mɛ le Yehowa xomu ci mɛ yi sɛntɔwo le keŋ ate gogui. Wowanɔ kaba yí kpenɔdo Yehowa lɛngbɔwo nu le gbɔngbɔn mɛ nɔ dotoxwe nyɔwo vakɔ ɖɛ alo nɔ jɔjɔmɛfɔkuwo jɔ. Nɔ èji mɔ woakpedo ye nuɔ, danyɔ mɔ àyɔ ao hamɛmɛshinshin ɖeka yí anu ni mɔ yeʒan kpekpedonu ba?—Ʒaki 5:14.
MÍKPƆ VIDEO CI YÍ NYI LƐNGBƆKPLƆTƆ CIWO YÍ LENƆ BU NƆ LƐNGBƆ LƆWO, KEŊ AÐO NYƆBIƆSE CIWO MÌAKPƆ YƐ ŊCI:
Lé Mariana kpɔ nyɔna so hamɛmɛshinshinwo kpekpedonu mɛ doɔ?
Lé Elias kpɔ nyɔna so hamɛmɛshinshinwo kpekpedonu mɛ doɔ?
Ci èkpɔ ŋcɛ ciwo yí jɔ ɖe, lé wotrɔ lé èkpɔnɔ hamɛmɛshinshinwo dɔ doɔ?