Nyigban lɔ nɔnɔmɛ Cukaɖawo​—Enu Ci Mawu Fyɔɖuxu Lɔ Avawa So Wo Nu

“Ayamɛ nɔnɔmɛwo wakɔ dɔ do jukɔnwo, ejuwo koɖo enulagbuwo le lé wonɔnɔ judo le fini wo le (écosystèmes) ji. Jihɔngangan sɛnŋsɛnŋwo trɔ ayamɛ nɔnɔmɛwo yí dahɛn axwewo nɔ agbetɔ koɖo wowo nu ʒanʒanwo le xexe lɔ pleŋ mɛ. Enulagbu axumɛtɔwo kpɔkɔ zozu yí agbenɔnɔ gbɔngbɔnnu nɔwo alo wo kunɔ.”​—Enyɔ ci Inger Andersen, ci yí le gɔnmɛnɔ wemaŋwlɛtɔ nɔ Jukɔwo xoxoxu (Nations Unies) yí gbe kpanɔ Programme des Nations Unies pour l’environnement nu le 25 Juillet 2023.

Acɛkpakpawo atɛnŋ awa dɔ alɔlealɔmɛ yí akpɔ ayamɛ nɔnɔmɛ cukaɖa lɔwo gbɔ le xexeɛ pleŋ mɛa? Woatɛnŋ asun ji yí aɖe cukaɖa lɔwo pleŋ si sɔyi mavɔa?

Bibla xo nuxo so Acɛkpakpa ɖeka nu. Acɛkpakpa lɔ asun ji yí avakpɔ nyigban lɔ nɔnɔmɛ cukaɖawo pleŋ gbɔ. Enu mɔ “jeŋkwimɛ Mawu aɖo fyɔɖuxu ɖeka,” ci yí akpɔ nyigban ji nyɔwo pleŋ gbɔ. (Daniɛli 2:44) Le acɛkpakpa ŋtɔ́ lɔ hwenuɔ, mɛɖekpokpui “dado vevisese” nɔ mɛbu alo adahɛn nyigban lɔ o.​—Ezai 11:9.