Yesu Agu Wamɛnɔnyinyi Si

Hwenu Yesu le nyigban jiɔ, élɔn agbetɔwo sugbɔ, vevitɔ wamɛnɔwo koɖo mɛ ciwo yí le nɔnɔmɛ sɛnŋ wo mɛ. (Matie 9:36) Ésɔ yi gbe sa vɔn hɛnnɛ nɔ mɛbuwo akpɔ nyɔna so mɛ. (Matie 20:28; Ʒan 15:13) Sabaɖe yɛɔ, ágbedasɛ lé elɔn agbetɔwo do, hwenu azan acɛ ci eɖo yí nyi Efyɔ nɔ Mawu Fyɔɖuxu lɔ yí asɔ gu wamɛnɔnyinyi si le nyigban lɔ pleŋ ji.

Bibla zan enyɔ nyasese ɖekawo yí sɔ dasɛ enu ci Yesu awa:

• “Na nɔ Efyɔ lɔ anyi amɛ jɔjɔɛ nɔ wamɛnɔwo. Na nɔ akpedo amɛ klekliwo nu. Na nɔ a dɔnto nɔ amɛ ciwo yí do vevi sese nɔ wo.”—Ehajiji Wema 72:4.

Lé mìawɛ ado akpe nɔ Yesu, nɔ enu ciwo pleŋ ewa nɔ mì koɖo ciwo yí kpɔtɔ avawa nɔ mìɔ? Ŋɖeka ci mìawa yí nyi mɔ mìakpla nu sugbɔ so “Mawu Fyɔɖuxu ŋɛnywi lɔ” nu, ɖo enyɔ cɛ yí Yesu dra nɔ amɛwo. (Luiki 4:43) Hlɛn nyɔci ci yí nyi “Nu Kae Nye Mawu Fiaɖuƒe La?”