Mi Ji Àtɛnŋ Akandoɔ?​—Enyɔ Ci Bibla Nuɔ?

Nɔ amɛwo kando mɛɖe ji gbɔxwe evatrɔ wo to mɛɔ, évenɔ wo nu. Mɛ ciwo ji amɛ sugbɔ mi kankando ke:

• politiwatɔ ciwo yí sɔ wowoŋtɔwo nyɔnyɔ ɖo ŋkɔ keŋ yí gbe jumɛviwo tɔ ɖɛ.

• enyɔjɔjɔdratɔ ciwo yí denunɔ enyɔ ciwo yí sɔgbe alo nyi nyɔnɔnwi o.

• jɔjɔmɛnununnyatɔ ciwo yí dejinɔ enywi nɔ jumɛviwo o.

• sɛnsɛnŋkɔnɔtɔ ciwo yí nɔnɔ godu nɔ politiki gbɛbɔbɔwo sɔwu ci woanɔ godu Mawu.

Ci amɛwo delɔn yí kannɔdo mɛbuwo ji kpoŋ ɔ, enyɔ jɔ nɔ wo. Bibla kanxle mì mɔ:

• ‘Míŋgbe godo míwo kplɔtɔwo nu o. Wodatɛnŋ hwlɛn mí gan o.’​—Ehajiji Wema 146:3.

Mɛ ɖeka ci ji àtɛnŋ akando

Bibla mɔ mɛɖeka li ci ji àtɛnŋ akando. Eyi nyi Yesu Kristo. Denyi amɛnywi kpoŋ ci yí nɔ agbe exwe sanŋdi nɛniɖe vayi yí enyi o. Mawu sɔ Yesu nɔ “Á ɖu efyɔ . . . , yí efyɔɖuɖu Yitɔ dá vɔ kpɔ o.” (Luiki 1:32, 33) Yesu nyi Efyɔ nɔ Mawu Fyɔɖuxu ci yí kpakpa cɛ le jeŋkwi mɛ ɖɛyɛ.​—Matie 6:10.

• Nɔ àkpɔ enu ci yí taɖo àtɛnŋ akando Yesu jiɔ, hlɛn enyɔci ciwo yí nyi “Ame Kae Nye Mawu Fiaɖuƒea Ƒe Fia?” koɖo “Nu Kae Mawu Fiaɖuƒea Awɔ?”