Ɛntɛnɛti Jugbaja Hadoxuwo Wawa Nu Koɖo Vioa?—Bibla Atɛnŋ Akpedo Jilawo Nu

“Susumɛdɔ̀lele vawukɔgan jajɛwo yí eʒan kpata mɔ woakpɔ gbɔ—enu ci yí hɛnkɔ cukaɖa sugbɔtɔ vɛ yí nyi ɛntɛnɛti jugbaja hadoxuwo.”—Doto amɛkótɔ gangan Vivek Murthy le États-Unis, New York Times, 17 Juin 2024.

Lé jilawo awɛ aglɔn ta nɔ wowo viwo nɔ ɛntɛnɛti jugbaja hadoxuwo ŋgbewa nu koɖo woɔ? Bibla na nukplamu ŋtɔŋtɔwo.

Enu ci jilawo atɛnŋ awa

Kpɔ Bibla gɔnmɛɖose cɛwo.

“Ŋununyatɔ do ʒinxo yí butamɛ so enushanu nu.”—Elododo Wema 14:15.

Ci afɔkuwo le ɛntɛnɛti jugbaja hadoxuwo zanzan mɛɔ, ŋgbewa nɔ eo mɔ dandanmɛ yí yeviye ɖo azan wo o. Gbɔxwe àɖe mɔ nɔ vio yí azan ɛntɛnɛti jugbaja hadoxuwoɔ, kando ji mɔ yɛshin keke atɛnŋ asɔ gbeta so gaxoxo nɛni azan do wo nu, ányinɔ exlɔ koɖo amɛnywiwo yí aze nɔ enumanyɔmanyɔwo.

• Nɔ àkpɔ nubuwo kpiɔ, hlɛn enyɔci ciwo yí nyi “Ðe Wòle Be Vinye Nazã Internet Dzi Hahoo Kadodowoa?” koɖo “Fia Viwò Ale Si Wòazã Internet Dzi Hahoo Kadodowo Nyuie.”

“Nya gamɛ zanzan.”—Efezitɔwo 5:16.

Nɔ èɖe mɔ nɔ vio mɔ yɛazan ɛntɛnɛti jugbaja hadoxuwoɔ, nàdo ese so nu ni. Yi goduɔ, ɖe mɛ ni nɔ anya lé ese lɔwo aglɔn ta ni do. Nɔ zanŋte keŋ akpɔ mɔ ɖevi lɔ gbenɔnɔ trɔtrɔ ma, ɖo taŋfuin áʒan mɔ ɖevi lɔ aɖe ɛntɛnɛti jugbaja hadoxu lɔwo zanzan kpɔtɔ.

• Zan enutata video ci iyí nyi Ɛntɛnɛti ji jugbajahadoxuwo: Ze nɔ fɛncawo asɔ kpedo vio nu nɔ amɔŋje mɛ mɔ yeɖo aɖo sɛnxu nɔ yi zanzan.

Kpla nubuwo kpi

Bibla nu mɔ mìle agbe le “cukaɖawo” hwenu. (2 Timɔte 3:1-5) Nɛnɛkɛɔ, égbena nukplamu ŋtɔŋtɔwo mì, ciwo yí akpedo mì nu mìakpanŋkɔ cukaɖa lɔwo. Jilawo akpɔ Bibla mɛ nyɔci vovovo ciwo yí wu 20 le enyɔci cɛ mɛ ciwo yí kuso jajɛwo susumɛ lanmɛsɛn nu.