Бис «Јаҥы телекейдиҥ кӧчӱрмезин» нениҥ учун чыгарганыс?

Иегованыҥ Керечилери кӧп јылдардыҥ туркунына Агару Бичиктиҥ кӧчӱрмелерин кепке базып тузаланган ла таркаткан. Је соондо улуска, Кудайдыҥ кӱӱнзегениле, «чынды чип-чике билип аларга» болужатан јаҥы кӧчӱрме керек деп оҥдогоныс (1 Тимофейге 2:3, 4, ЈТ). Анайып 1950 јылда эмдиги ӧйдиҥ английский тилине «Јаҥы телекейдиҥ кӧчӱрмезиниҥ» баштапкы бӧлӱги кепке базылып чыккан. Бӱгӱнги кӱнде бу чике ле јарт кӧчӱрме 130-таҥ кӧп тилдерге, ол тоодо орус тилге бар.

Оҥдоорго јеҥил Агару Бичик керек болгон. Канча да ӧйдиҥ бажында кандый ла тил солынып јат, оныҥ учун јарт эмес ле эскирип калган сӧстӧрлӱ кӧчӱрмелерди јаҥыртары некелет. Анайда ок бистиҥ кӱндерде баштапкы бичилген сӧстӧргӧ (оригинал) сӱреен јуук јебрен колбичимелдер табылган, олор јебрен еврей, арамей ле јебрен грек тилдерге бичилген Агару Бичиктиҥ сӧстӧрин јакшы оҥдоорго болушкан.

Кудайдыҥ сӧзин чике кӧчӱрип турган кӧчӱрме керек болгон. Кӧчӱреечилерге Агару Бичикти бойыныҥ јайым кӱӱниле кӧчӱрерге јарабас, олор баштапкы Кудайдыҥ тыныла бичилген сӧстӧрдӧҥ чип-чике тудунар учурлу. Је Агару Бичимелдиҥ кӧчӱрмелериниҥ кӧбизинде — Кудайдыҥ ады, Иегова, јоголтылган.

Бойыныҥ Чӱмдеечизин мактаар Агару Бичик керек болгон (2 Самуил 23:2). «Јаҥы телекейдиҥ кӧчӱрмезинде» Кудайдыҥ ады орныктырылган. Нениҥ учун дезе јебрен колбичимелдерде Кудайдыҥ ады 7 000 кире катап бичилген болгон (Сарын 83:18). Колбичимелдердеҥ алынган бир ӱзӱкти тӧмӧги јуруктаҥ кӧрӧргӧ јараар. Анайып, кӧп јылдардыҥ туркунына быжулап шиҥдегениниҥ шылтузында Кудайдыҥ кӱӱн-санаазын чике ле јарт кӧчӱрип турган кӧчӱрме кепке базылып чыгарылган. Мынайып кӧчӱрилген Агару Бичикти кычырарга сӱреен јилбилӱ. «Јаҥы телекейдиҥ кӧчӱрмези» слердиҥ тилге јок то болзо, Иегованыҥ Сӧзин кажы ла кӱн кычырарына кӱӱнзедедис (Иисус Навин 1:8; Сарын 1:2, 3).

• Агару Бичиктиҥ јаҥы кӧчӱрмези нениҥ учун керек болгон?

• Кудайдыҥ кӱӱн-санаазын билерге турган улуска кандый темигӱ ӧскӱрер керек?