КУУЧЫНДЫ БАШТАГАР
Лука 19:1—7
6 УРОК
Коркыбас болоры
Библиялык принцип: «Кудай биске оныҥ сӱӱнчилӱ јарын коркыбай јарлаарга болушкан» (1 Фес. 2:2, ЈТ).
Иисус нени эткен?
1. ВИДЕО кӧрӱгер эмезе Лука 19:1—7 кычырыгар. Оноҥ бу сурактарды шӱӱп сананыгар:
а) Кезик улус Закхейдеҥ нениҥ учун тууралаган болор?
б) Иисусты оныла куучын баштаарга не кӱӱнзеткен?
Иисустаҥ неге ӱренедис?
2. Сӱӱнчилӱ јарды башка-башка улуска јарлаарга коркыбас керек.
Иисустаҥ тем алыгар
3. Иеговага иженигер. Кудай Иисуска агару тын берген, оныҥ учун ол сӱӱнчилӱ јарды коркыбай јарлаган. Иегова слерге де агару тынды берер аргалу (Матф. 10:19, 20; Лука 4:18). Куучынды баштаарга коркып турган болзоор, Иегованаҥ болуш сурагар (Ап. ижи 4:29).
4. Улусты ылгабагар. Бис кезик улусла олордыҥ чырай-бӱдӱжин, јадын-јӱрӱмин, арга-чагын кӧрӱп, анайда ок кудай јаҥын билип ийзеес, куучын баштаарга коркып јадыс. Је ундыбагар:
а) Иегова ла Иисус улустыҥ јӱрегин кӧрӱп јат, а бисте андый арга јок.
б) «Бу кижи чындыкты укпас» деп сананбас керек.
5. Тоомјылу ла ајарыҥкай болугар (Матф. 10:16). Кижиле сӧс блаашпагар. Ол слерди угарга кӱӱнзебей турган болзо эмезе айалга катулана берерин сезип ийзеер, куучынды улалтпай, јӱре беригер (Укаа 17:14).
БАЗА КӦРӰГЕР:
Ап. ижи 4:31; Эф. 6:19, 20, ЈТ; 2 Тим. 1:7