Килеҥкей болоры

Библиялык принцип: «Сӱӱнип јӱргендерле кожо сӱӱнигер, ыйлап јӱргендерле кожо ыйлагар» (Рим. 12:15).

Иисус нени эткен?

Иисус ла оныҥ ӱренчиктери кемедеҥ чыгала, јаратка барат, анда олорды улус сакып јат.

ВИДЕО: «Иисус улусты килеп јат»

1. ВИДЕО кӧрӱгер эмезе Марк 6:30—34 кычырыгар. Оноҥ бу сурактарды шӱӱп сананыгар:

а) Нениҥ учун Иисус ла апостолдор амырап аларга, улус јок јердӧӧн барган?
б) Иисус улусты недеҥ улам ӱредип баштаган?

Иисустаҥ неге ӱренедис?

2. Бис улуска сӱӱнчилӱ јарды јӱк ле куучындап саларга турган эмезис, је бис олорго болужарга јадыс.

Иисустаҥ тем алыгар

3. Лаптап угугар. Кижи слерге бойыныҥ санааларын, сезимдерин ле санааркаштарын куучындап јатса, куучынды ӧскӧ темага кӧчӱрбей, карын оны јетире угугар. Анайып, ол кижи слердиҥ оны чыннаҥ ла оҥдоп аларга турганаарды кӧрӱп ийер.

4. Кижи керегинде сананыгар. Кижиле не керегинде куучындашканаарды сананып, бойоордоҥ сурагар:

а) Ого чындыкты нениҥ учун билип алар керек?
б) Агару Бичикти ӱренгени оныҥ бӱгӱнги де, келер де ӧйдӧ јӱрӱмин канайып солыыр?

5. Кижиге болушкадый шӱӱлтелерле ӱлежигер. Ого Агару Бичикти ӱренгени јӱрӱминде ле сурактарыныҥ карууларын таап аларга канайып болужарын ӧйди чӧйбӧй лӧ кӧргӱзип беригер.

БАЗА КӦРӰГЕР:

Рим. 10:13, 14; Флп. 2:3, 4; 1 Пётр 3:8