Јарлаар иштиҥ темигӱлерин тыҥыдадыс. Домофон ажыра канайып јарлаар?

БУ НЕНИҤ УЧУН КЕРЕКТӰ Эмдиги ӧйдӧ улус бойын корулаарга ла эптӱ болзын деп, эжиктеринде камералар ла домофондор тургузып турганы кӧптӧй берген. Кижини кӧрбӧй куучындажарга биске эби јок болордоҥ айабас, анчада ла ол сени кӧрӱп турза. Тӧмӧнги берилген јӧптӧр домофон ло камера ажыра јарлап турзаас бойысты чын тудунарга болужар.

МЫНЫ КАНАЙЫП ЭДЕР

• Куучын јакшы болор деп сананып ал. Домофон эмезе камера тургузып алган улустыҥ кӧп сабазы чынынча бисле куучындажарга белен.

• Кезик камералар сен звонокты јапаскалагыҥда бичип баштайт. Эжикке јууктап ла келзеҥ кижи сени кӧрӱп, угар аргалу.

• Домофонныҥ эмезе камераныҥ алдына кижиле кӧстӧҥ кӧскӧ куучындажып тургандый куучындаш. Кӱлӱмзирен, бойыҥды канайып тудунып тургаҥ, анайып ла тудун. Кижи эжикти ачып ийген болзо, нени айдар эдиҥ, оны ла айт. Камерага ӧткӱре јуук турба. Кижи каруузын бербей турза, кандый да аудио эмезе видеосообщениелер артыргыспа.

• Куучын божогон до кийнинде улус сени кӧрӱп ле угуп турардаҥ айабас деп ундыба.