ХРИСТИАН ЈӰРӰМ
Айылдар сайын јарлаар ӧйдӧ тоомјылу эдип тудунарыныҥ ээжилери
Христиандарды бастыра телекей кӧрӱп јат (1Кр 4:9). Оныҥ учун бистерди кезик улус кӧзнӧктӧҥ шыкалап кӧрӧдилер эмезе куучындарысты угарга, эжиктеҥ тыҥдагылап јадылар. Кезик тураларда видеокамералар ла микрофондор бар болгонынаҥ улам бистиҥ куучындарыс ла нени эдип турганыс бичилип калардаҥ айабас. Оныҥ учун айылдар сайын јарлаар ӧйдӧ тоомјылу эдип тудунатан ээжилердиҥ кезигин кӧрӱп ийектер (2Кр 6:3).
• БИСТИҤ КЕРЕКТЕРИС (Фп 1:27)
Улусты тооп, туразын ајыктап ширтебе. Эжиктиҥ јанында болзоҥ, ажанба, ичпе, телефондобо ло смс бичибе.
• БИСТИҤ КУУЧЫНДАРЫС (Еф 4:29)
Эжиктиҥ јанында куучыныҥды айылдыҥ ээзи укпазын деп турган болзоҥ, артык неме куучындаба. Кезик јарчылар эжикти токылдадарынаҥ озо, нени айдарын белетеп аларга, кожо јӱрген јарчыла куучынын токтодып јат.