Аймак кӧрӧӧчилер биске канайып болужат?

Христиан Грек Бичимелдерде Варнава ла Павел керегинде кӧп бичилип јат. Олор јорыкчы кӧрӧӧчилер болуп, баштапкы христиан јуундарга барар болгон. Нениҥ учун олор мындый иш бӱдӱрген? Олор бойлорыныҥ кӧгӱс карындаштарына акту јӱрегинеҥ болужар болгон. Бир катап Павел Варнавага: «Кайра бурулып... карындаштарга јолыгып, кандый јаткандарын кӧрӧли» — деп айткан. Павел бойыныҥ ака-эјелериниҥ ич-кӧгӱзин тыҥыдарга, канча јӱс беристе јолдор ӧдӧргӧ белен болгон (Апостолдордыҥ ижи 15:36). Бӱгӱнги кӱнниҥ јорыкчы кӧрӧӧчилери андый ла кӧрӱмдӱ иштенгилейт.

Олор бистиҥ Кудайга бӱткенисти тыҥыдарга келгилеп јат. Аймак кӧрӧӧчи бир јылга 20 кире јуундарды (бир аймак) эки катап ӧдӧт, анайып бир јуунда бир неделе болот. Бис олордоҥ ло олордыҥ эш-нӧкӧрлӧринеҥ кӧп немеге ӱренип алар аргалу. Олор јуунныҥ кажы ла кижизиле таныжып аларга албадангылайт, ол тоодо балдар ла јажы јаанап калгандар база болот, анайда ок бисле кожо айылдар сайын јарлаарына ла Агару Бичикти улусла ӱренерине туружарга кӱӱнзегилеп јат. Аймак кӧрӧӧчилер аксагалдарла кожо кӱдӱчиниҥ ижин бӱдӱргилеп јат, анайда ок јуундарда ла курултайларда кӱӱн кӧдӱрер куучын-эрмектер айдып, бистиҥ ончобыстыҥ ич-кӧгӱзисти тыҥыдат (Апостолдордыҥ ижи 15:35).

Олор јуунныҥ кажы ла кижизиле јилбиркеп јат. Аймак кӧрӧӧчилердиҥ амадузы — јуундарды ич-кӧгӱс јанынаҥ тыҥыдары. Олор јуунныҥ јединген једимдерин шӱӱжип кӧрӧргӧ лӧ акаларга јӧп берерге, аксагалдар ла болушчы ишчилерле туштажу эдет. Олор пионерлерге јарлаар ижин тыҥыдарга болужат ла јуунныҥ јаҥы улузыла таныжып, олордыҥ једимдерин јилбиркеп угат. Мындый акалардыҥ кажызы ла биске туза экелерге, бойыныҥ ӧйин ле кӱчин бисле кожо иштенерге кысканбай берерге белен болот (2 Коринфтегилерге 8:23). Олордыҥ Кудайга бӱдӱп турганына ла чындык болгонына биске тӱҥейлежер керек (Еврейлерге 13:7).

• Аймак кӧрӧӧчилер јуундарга кандый амадулу келгилеп јат?

• Олордыҥ келгени слерге кандый туза берер аргалу?