«Керсӱ ле бӱдӱмјилӱ кул» дегени кем?

Иисус Бойыныҥ божоорынаҥ озо Петр, Иаков, Иоанн ла Андрей деп ӱренчиктериле кожо јаан учурлу куучын ӧткӱрген. Калганчы кӱндерде Иисус Бойыныҥ болотоныныҥ темдегин јартап береле, олорго: «Јалчылардыҥ бажын билип, олорго ӧйинде курсак берип турзын деп, бий кӧстӧгӧн бӱдӱмјилӱ ле керсӱ кул кем болотон?» — деп, сурак берген (Матфей 24:3, 45; Марк 13:3, 4). Иисус ӱренчиктерине «бий» болуп, калју телекейдиҥ јоголорыныҥ учында Оныҥ јолыла бараткандарды ич-кӧгӱс курсакла ӱзӱк јогынаҥ ӧйинде јеткилдеер «кул» кӧстӧп тургузар деп бӱдӱмјилеген. Бу «кул» кемдердеҥ турар учурлу?

Ол Иисустыҥ майлаткан ӱренчиктеринеҥ турган јаан эмес бӧлӱк. «Кул» — Иегованыҥ Керечилериниҥ Башкару јӧби. Ол Иегованыҥ ончо ишчилерине ӧйинде берилип турган ич-кӧгӱс курсакты берет. Бу бӱдӱмјилӱ «кул» јогынаҥ бис «ӧйинде курсакты» алып болбос эдис (Лука 12:42).

Ол Кудайдыҥ туразын башкарарына кӧстӧлгӧн (1 Тимофейге 3:15). Иисус бу «кулга» Иегованыҥ организациязыныҥ јердеги бӧлӱгиле башкарзын деп, каруулу иш берген. Бу каруулу иш акча-јӧӧжӧлӧ, јарлаар ишле башкарарынаҥ ла бистерди јуундарда ӱредеринеҥ турат. Бистерге «бӱдӱмјилӱ ле керсӱ кул» ич-кӧгӱс курсакты бичиктер, јуундар ла курултайлар ажыра берет.

Бу «кул» библиялык чындыкка ла сӱӱнчилӱ јарды јарлаар ишке бӱдӱмјилӱ болот, анайда ок Иисус јерде берген ончо не-немеле ойгор башкарып турган учун ол керсӱ болот (Апостолдордыҥ ижи 10:42). Иегова Бойыныҥ организациязына чындыкты билерге кӱӱнзеген улусты јилбиркедип кычырат ла ич-кӧгӱстиҥ курсагын артыгынча берип, кулдыҥ ижине алкыжын берет (Исаия 60:22; 65:13).

• Иисус ӱренчиктерге ич-кӧгӱс курсакты берерине кемди кӧстӧгӧн?

• «Кул» кандый учурыла бӱдӱмјилӱ ле керсӱ болот?