54 УРОК
«Бӱдӱмјилӱ ле керсӱ кул»
Христиан јуунныҥ бажы — Иисус Христос (Эфестегилерге 5:23). Бӱгӱнги кӱнде ол теҥериде. Јердеги ӱренчиктерин ол «бӱдӱмјилӱ ле керсӱ кул» ажыра башкарат. (Матфей 24:45 кычырыгар.) Иисус бу «кулды» бойы тургускан. Ол ого јӧп чыгаратан јаҥ берип салган. Бу кул Иисус Христоско багынат, анайда ок Христостыҥ ӱренчиктерине болужат. Бӱдӱмјилӱ ле керсӱ кул ол кем? Ол биске канайып болужат?
1. «Бӱдӱмјилӱ ле керсӱ кул» ол кем?
Иегова башкартуларды бойыныҥ албатызына кандый бир кижи ажыра ол эмезе јаан эмес бӧлӱк улус ажыра јаантайын берген (Малахия 2:7; Еврейлерге 1:1). Иисус божоп каларда, Иерусалимдеги аксагалдар христиан јуундарды башкарып баштаган (Апостолдордыҥ ижи 15:2). Олор ло чылап, бӱгӱнги кӱнде Иегованыҥ Керечилериниҥ Башкару јӧби — аксагалдардаҥ турган јаан эмес бӧлӱк улус Кудайдыҥ албатызын кӧгӱс курсакла азырайт ла јарлаар ишти башкарат. Бу улус Иисустыҥ кӧстӧгӧн «бӱдӱмјилӱ ле керсӱ кулы» болот (Матфей 24:45а). Башкару јӧптиҥ кажы ла кижизи агару тынла майлалган. Бу улустыҥ јердеги јӱрӱми тӱгене берзе, олор теҥеридеги Каандыкта Иисус Христосло кожо башкарар.
2. Керсӱ кул кандый курсак берет?
Иисустыҥ айтканыла болзо, керсӱ кул кӧгӱс курсакты ӧйинде берер (Матфей 24:45б). Канайып тегин курсак биске ийде-кӱч берет ле су-кадыгыска туза болот, анайып ла кӧгӱс курсак — Агару Бичикти ӱренери — Иеговага чындык артарга ла Иисустыҥ јакылтазын бӱдӱрерге болужат (1 Тимофейге 4:6). Бу курсакты бис јуунныҥ туштажуларынаҥ, курултайлардаҥ, Агару Бичикке тӧзӧлӧнгӧн бичиктердеҥ ле видеолордоҥ аладыс. Кӧгӱс курсак Кудайдыҥ кӱӱн-табын јакшы оҥдоп аларга ла оныҥ најызы болуп артарга болужат.
ТЕРЕҤЖИДЕ КӦРӰГЕР
Биске «бӱдӱмјилӱ ле керсӱ кул» — Башкару јӧп — нениҥ учун керек деп билип алыгар.
Башкару јӧп кӧгӱс курсакты, башкартуларды ла болушты јердиҥ ӱстиндеги бастыра Иегованыҥ Керечилерине берет
3. Иегованыҥ албатызы јакшы башкартулу болор учурлу
Башкару јӧп Иисустыҥ башкарузыла Иегованыҥ ишчилериниҥ ижин башкарат. Баштапкы чакта христиандардыҥ ижи база анайып ла башкарылган. ВИДЕОНЫ кӧрӱгер.
1 Коринфтегилерге 14:33, 40 кычырып, суракты шӱӱжип ийигер:
Бу ӱлгерлердеҥ Иегова бойыныҥ албатызын аайлу-башту башкарылзын деп кӱӱнзеп турганы канайып кӧрӱнет?
4. Керсӱ кул јарлаар ишти башкарат
Озогы христиандар јарлаар ишти баштапкы јерге тургускан. Апостолдордыҥ ижи 8:14, 25 кычырып, сурактарды шӱӱжип ийигер:
Баштапкы чакта кайда ла канайып јарлаарын кем башкарган?
Пётр ла Иоанн ӧскӧ апостолдордыҥ башкартузын канайып алынган?
Башкару јӧп эҥ јаан учурлу ишти — јарлаар ишти — башкарат. ВИДЕОНЫ кӧрӱгер.
Иисустыҥ сӧстӧринеҥ јарлаар иш сӱреен керектӱ болгоны кӧрӱнет. Марк 13:10 кычырып, сурактарды шӱӱжип ийигер:
Башкару јӧп нениҥ учун јарлаар ишке јаан ајару эдет?
Бу ишти бастыра јердиҥ ӱстинде ӧткӱрерге, нениҥ учун бӱдӱмјилӱ ле керсӱ кул керек?
5. Керсӱ кул башкартулар берет
Башкару јӧп бастыра јердиҥ ӱстиндеги христиандардыҥ ижин башкарат. Бу акалар сурактардыҥ аайына канайып чыгат? Баштапкы чактыҥ башкару јӧби нени эткенин кӧрӱп ийигер. Апостолдордыҥ ижи 15:1, 2 (ЈТ) кычырып, сурактарды шӱӱжип ийигер:
Озогы христиандарда блааш-тартышту кандый сурак кӧдӱрилген?
Бу сурактыҥ аайына чыгарга, Павел, Варнава, ӧскӧ дӧ акалар кемге баштанган?
Апостолдордыҥ ижи 15:12—18, 23—29 (ЈТ) кычырып, суракты шӱӱжип ийигер:
Баштапкы чактыҥ башкару јӧби бу суракка Иегова кандый кӧрӱмдӱ болгонын билерге нени эткен? (12, 15 ле 28 ӱлгерлерди кӧрӱгер.)
Апостолдордыҥ ижи 15:30, 31 ле 16:4, 5 кычырып, сурактарды шӱӱжип ийигер:
Озогы христиандар башкару јӧптиҥ башкартузын канайып алынган?
Иегова бу христиандарды сӧсуккуры учун канайып кайралдады?
2 Тимофейге 3:16 ла Иаков 1:5 кычырып, суракты шӱӱжип ийигер:
Бӱгӱнги кӱнде Башкару јӧп сурактардыҥ аайына канайып чыгат?
КЕЗИК УЛУС АЙДАТ: «Слер Башкару јӧптиҥ сӧзин угуп турган болороордо, улустыҥ кийнинеҥ барып јаткан эмтиреер».
Иисус Башкару јӧп ажыра башкарып турган деп, слер нениҥ учун бӱдӱп јадыгар?
ТӦС ШӰӰЛТЕЗИ
Башкару јӧп — Иисус Христос тургускан «бӱдӱмјилӱ ле керсӱ кул». Бу кул бастыра јердиҥ ӱстиндеги христиандарга башкартулар ла кӧгӱс курсак берип јат.
Нени билип алдыгар?
Бӱдӱмјилӱ ле керсӱ кулды кем тургускан?
Башкару јӧп биске канайып болужат?
Слер Башкару јӧп — ол бӱдӱмјилӱ ле керсӱ кул деп бӱдӱп турганаар ба?
ШИҤДЕЙТЕН МАТЕРИАЛ
Башкару јӧп кандый иш эдип турганын билип алыгар.
«Иегованыҥ Керечилериниҥ Башкару јӧби ол не андый?» (веб-статья)
Башкару јӧп биске берилип турган кӧгӱс курсак бийик кеминде болзын деп, нени эдип турганын билип алыгар.
Башкару јӧпкӧ кирип турган акалар Иисустыҥ јакылтазын канайып алынат?
Иегова башкартуларды ла ӱредӱни Башкару јӧп ажыра берет деп, бистиҥ туштажулардаҥ ла курултайлардаҥ канайып кӧрӱнет?