Тӧс шӱӱлтелерди аҥылап тур

Евр. 8:1

АМАДУЗЫ Угаачыларыҥа шӱӱлтелер канайып ээчий-деечий баратканын кӧрӱп турарга болуш. Тӧс шӱӱлтелердиҥ кажызы ла куучын-эрмектиҥ амадузыла, темазыла канайып колбулу болгонын кӧргӱзип тур.

МЫНЫ КАНАЙЫП ЭДЕР

• Амаду тургузып ал. Алдыҥда кандый амаду турганын санан: угаачыларыҥа та нени де куучындап берери бе, олорды бӱдӱмјилеп салары ба эмезе керектерге кӱӱнзедери бе? Эрмек-куучыныҥды амадууҥ аайынча белете. Кажы ла тӧс шӱӱлтеҥ тургузып алган амадууҥга јединерге болушсын.

• Теманы аҥыла. Бастыра куучын-эрмегиҥниҥ туркунына тӧс сӧстӧрди эмезе олордыҥ синонимдерин тузаланып, темаҥды эске алындырып тур.

• Тӧс шӱӱлтелер јарт, оҥдоорго јеҥил болзын. Тӧс шӱӱлтелер эдип, јӱк темала колбулу шӱӱлтелерди тузалан. Је ол шӱӱлтелерди јазап јартаарга ӧйиҥ једе берзин. Олор кӧп болбос учурлу. Кажызын ла аҥылап айт. Тӧс шӱӱлтелерди токтодуларла аҥылап, бирӱзинеҥ бирӱзиндӧӧн эптӱ эдип кӧчӱп тур.