Тӧс шӱӱлтелерди санаагарда такып айдыгар

Слерге бу јуукта ӱренген немени эске аларга кӱч болот по? Мындый неме бистиҥ кажыбыста ла болот. Бу айалгада нени эдер? Тӧс шӱӱлтелерди санаагарда такып айдып туругар.

Ӱренип јаткан тушта, токтой тӱжеле, кычырган немегерди сананып туругар. Апостол Павел самараларыныҥ бирӱзинде ака-эјелерди шак ла мынайып эдип турзын деп кӱӱнзеткен. Ол бичиген: «Айдып турганыстыҥ тӧс шӱӱлтези мындый» (Евр. 8:1, ЈТ). Анайып ол кычыраачыларына оныҥ самаразыныҥ шӱӱлтелери бой-бойыла кандый колбулу болгонын оҥдоорго болушкан.

Ӱренген кийнинеҥ тӧс шӱӱлтелерди 10 минут кире ӧйгӧ сананып ийигер. Тӧс шӱӱлтелер санаагарга кирбеген болзо, подзаголовокторды эмезе тӧс эрмектерди (кӧп сабада олор абзацтыҥ бажында болот) кӧрӱгер. Слерге јаҥы јетирӱ туштаган болзо, оны бойоордыҥ сӧстӧрӧӧрлӧ јартап кӧрӱгер. Тӧс шӱӱлтелерди такып сананып турзаар, бажыгар да јакшы иштеер, кычырып алган материалды канайып тузаланарын да оноҥ јакшы оҥдоп алараар.