02 УРОК

Агару Бичик ижемји берет

Кепке базылган чыгарма

Бастыра јердиҥ ӱстинде кандый ла кӱчтер болот, мынаҥ улам кӧп улус санааркап, кӧстиҥ јажын тӧгӱп јадылар. Слерде де мындый кӱчтер болуп турган болор. Темдектезе, слер ооруп турганаар эмезе јуук кижигерди јылыйтканаар. Мынаҥ улам: «Јӱрӱм качан бирде јакшы болор бо?» — деп, сананып турган болороор. Је Агару Бичикте бистиҥ кӱӱнисти кӧдӱретен сӧстӧр бар.

1. Агару Бичик кандый ижемји берет?

Агару Бичик јердиҥ ӱстинде нениҥ учун кӱчтер болуп турганын јӱк ле јартап турган эмес, је бу кӱчтердиҥ ончозы удабас јоголып каларын айдат. Агару Бичиктиҥ сӧстӧри биске келер ӧйгӧ ижемји берет. (Иеремия 29:11, 12 кычырыгар.) А бу ижемји дезе биске эмдиги ле кӱчтерди ӧдӧргӧ, санааркабай јӱрерге, анайда ок чыннаҥ ла ырысту болорго болужат.

2. Агару Бичикле болзо, келер ӧйдӧ јӱрӱм кандый болор?

Анда мынайып айдылган: «Ӧлӱм де, ачу-корон до, сыгыт та, јобол до база болбос». (Ачылта 21:4 кычырыгар.) Бӱгӱнги кӱнде качан да јоголбос деп билдирип турган оору-јобол, ӧлӱм, несправедливость ло јоксыраш келер ӧйдӧ база качан да болбос. Улус јердеги райда јажын-чакка ырысту јӱрер.

3. Агару Бичиктиҥ сӧстӧрине бӱдерге нени эдер керек?

Кӧп улус јакшы немеге иженет. Андый да болзо, олордыҥ ижемјизи бӱдер бе, јок по деп олор билбей јадылар. Је Агару Бичиктиҥ сӧстӧри ончозы бӱдӱп калар. Ондогы сӧстӧргӧ бӱдерге нени эдер керек? Агару Бичикти јазап шиҥдеер керек (Апостолдордыҥ ижи 17:11). Слер бу курстыҥ болужыла, Агару Бичиктиҥ сӧстӧри чын ба, тӧгӱн бе деп билип алараар.

ТЕРЕҤЖИДЕ КӦРӰГЕР

Агару Бичик келер ӧй керегинде нени айдып турганын билип аларыгар. Анайда ок Агару Бичиктеги ижемји бӱгӱнги кӱнде канайып болужып турганын оҥдоп аларыгар.

Бӱгӱнги кӱнде јӱрӱм кандый болуп турганын ла келер ӧйдӧ кандый болорын кӧргӱзип турган јуруктар. Бу ла јуруктар тӧмӧнги таблицада кӧргӱзилип калган.

4. Агару Бичик јердеги райда бир де кыйын-шыра болбос деп айдат

Келер ӧйдӧ болотон алкыштардыҥ кезигин кӧрӱп ийигер. Слерге эҥ ле тыҥ кажызы јарап јат? Нениҥ учун?

Алкыштардыҥ јанында бичилген ӱлгерлерди кычырып, бу сурактарды шӱӱжип ийигер:

Слер бу алкыштарды аларга кӱӱнзейдеер бе? Бу алкыштарды најылараар ла тӧрӧӧндӧрӧӧр аларга кӱӱнзеер беди?

Бойыгарды мындый јараш райда деп сананып ийигер:

КЕМ ДЕ...	КАЖЫ ЛА КИЖИ...
карыбас, божобос, ыйлабас (Исайя 25:8).	јууктарыныҥ тирилгенин кӧрӧр (Иоанн 5:28, 29).
оору-јоболго бастыртпас (Исайя 33:24; 35:5, 6).	јиит ле ийде-кӱчтӱ болор (Иов 33:25).
несправедливостьтоҥ шыралабас (Исайя 32:16, 17).	толтыра курсакту, јакшы туралу ла јарап турган иштӱ болор (Сарын 72:16; Исайя 65:21, 22).
јуу-согуштаҥ шыралабас (Сарын 46:9).	амыр-энчӱ јӱрер, недеҥ де коркыбас (Сарын 37:11).
јаман санаалардаҥ кыйналбас (Исайя 65:17).	јажын-чакка ӱзе јанынаҥ јеткил јӱрӱм јӱрер (Сарын 37:29).

Ооруган уулчак јазылып, энезин кучактап јат.

Карган эр кижи јиит болуп калган. Ол толтыра аш-курсак апарып јат.

5. Агару Бичиктеги ижемји тыҥ санааркабаска болужат

Бӱгӱнги кӱнде кӧп улуска телекейдеги айалга чек јарабай јат. Кезиги мыны кӧрӱп, ал-санаага тӱжет. Кезиги дезе айалганы солыырга тыҥ тартыжып јат. Је Агару Бичиктеги ижемји улуска эмдиги ле ӧйдӧ канайып болужып турганын кӧрӱп ийектер. ВИДЕОНЫ кӧрӱп ийеле, бу сурактарды шӱӱжип ийигер:

ВИДЕО: «Мен справедливость учун тартышкам» (4:07)

«Мен справедливость учун тартышкам» деген видеоныҥ ӱзӱктери кӧргӱзилген јуруктар: 1. Рафика кичинек болордо, бойыныҥ нациязыныҥ улузыла хлопок јууйт. 2. Рафика Иегованыҥ Керечилериниҥ курултайына баштапкы катап келген. Ондо ол башка-башка нациялу улустыҥ јуулганын кӧрӱп, сӱреен кайкап, сӱӱнип јат.

Рафика кандый несправедливостьло тартышкан?
Несправедливость јоголбогон до болзо, ого Агару Бичиктеги сӧстӧр канайып болушкан?

Агару Бичиктеги ижемји тыҥ санааркабаска ла сӱӱнчилӱ јӱрерге болужып јат. Укаа сӧстӧр 17:22 ле Римдегилерге 12:12 кычырып, бу сурактарды шӱӱжип ийигер: