Кӧрӱлмелердиҥ болужыла ӱрет

Кӧрӱлмелер, јуруктар, таблицалар ла карталар Агару Бичикти ӱренетенин јилбилӱ эдип, материалды јакшы оҥдоорго ло сананып аларга болужат. Улу Таскадаачыбыс Иегова јаан учурлу неге де ӱредерге турган тушта, база та нени де кӧргӱзип ӱреткен (Бш 15:5; Иер 18:1—6). Андый ла арганы Улу Ӱредӱчи, Иисус Христос, база тузаланган (Мф 18:2—6; 22:19—21). Калганчы јылдарда бар-јок кӧргӱзӱ материалдардыҥ эҥ једимдӱзи кӧрӱлмелер болды. Ӱредип тура, сен кӧрӱлмелерди јаантайын тузаланып турадыҥ ба?

Тургуза ӧйгӧ јетире Агару Бичиктиҥ тӧс ӱредӱлерин кӧргӱзип турган 10 кӧрӱлме чыгып калган. Кӧрӱлмениҥ адынаҥ ла оны кандый библиялык темада шӱӱжетени кӧрӱне берет. Анайда ок јарлаар иштиҥ јепселдерине кирип турган ӱредӱлер ӧткӱретен бичиктерге ӧскӧ дӧ кӧрӱлмелер бар.

Ӱренип турган кижиле оҥдоорго кӱч теманы шӱӱжип турган болорыҥ. Эмезе ӱренип турган кижиҥ ченелтеге табарткан болор. Андый болзо, келишкедий кӧрӱлмени JW Library® приложениеде эмезе бистиҥ онлайн-телевидениеде бедиреп кӧр. Кӧрӱлмени кожо кӧрӱп ийеле, шӱӱжип ий.

Кажы ла ай јаҥы кӧрӱлмелер чыгат. Олорды кӧрӱп тура, ӱредӱлерде канайып тузаланарыҥ деп сананып тур.