Куучындардыҥ планыла канайып тузаланар?

2018 јылдыҥ чаган айынаҥ ала, «Бистиҥ христиан јӱрӱмис ле ижибис» деген иштиҥ тетрадыныҥ баштапкы бӱгинде куучындардыҥ планы берилет. Оныла канайып тузаланар?

Ӱредӱлӱ јакылталар бӱдӱрген тушта. Слерге куучындардыҥ планында берилген суракты, библиялык ӱлгерди ле колбу-суракты тузаланар керек. Је бу ла ок ӧйдӧ, видеодогы куучынды сӧстӧҥ сӧскӧ айдары керек јок. Сеге ӧскӧ учурал, ӧскӧ кире сӧс талдап аларга ла куучынды чек башка эдип апарарга јараар. Анайда ок (јакылтада айдылбаган да болзо) јарлаар иштиҥ јепселдеринеҥ кандый бир бичик берерге јараар.

Јарлаар иште. Куучындардыҥ планы слерге улусла куучын баштаарга болужарга берилген. Кижи угуп, јилбиркей берзе, куучынды оноҥ ары кӧндӱктирерге, «Экинчи куучындагы» суракты ла ӱлгерди шӱӱжип ийерге јараар. Эмезе сен куучындардыҥ планын эмеш солып ийер болорыҥ, айса чек ӧскӧ тема талдап алар болорыҥ. Кижини ӧскӧ библиялык ӱлгер эмезе ӧткӧн айдагы иштиҥ тетрадынаҥ тема јилбиркедер болор бо? Эмезе улуска калганчы солундар керегинде ле слердиҥ јерде болгон учуралдар керегинде куучындажарга јарайт па? Эйе, куучындардыҥ планын канайып ла тузаланарга јараар. Је эҥ керектӱзи — сӱӱнчилӱ јарды улуска јетирерге, ончоны эдери (1Кр 9:22, 23).