Куучындардыҥ планын канайып тузаланар

Куучындардыҥ планын белетери — ол јаан иш. Акалар бастыразын ајаруга алып, јазап сананып јат. Кӧп јарчылар куучындардыҥ пландары јакшы иштеп турган деп, ајаруга аладылар. Кажы ла јер бой-бойынаҥ аҥыланып јат эмей. Оныҥ учун јарчылар јарлаар иште бойыныҥ јериндеги улус неле јилбиркеп турганын ајаруга алып, куучындажар эбин солыыр аргалу. Је бистерге аҥылу кампания тушта, бу ӧйгӧ берилген јакарулардаҥ тудунар керек. Бистиҥ амаду — Иисустыҥ Каандык керегинде сӱӱнчилӱ јарын јарлайтан ишти бӱдӱрип салары (Мф 24:14).

Ӱредӱлӱ јакылта тушта јарчылар «Јӱрӱмис ле ижибис» деген тетрадьтагы куучындардыҥ планындагы теманы тузаланар керек. Је андыйда болзо, (ӧскӧ кандый да јакару јок болзо) олор јербойына келишкедий ӧскӧ сурак, библиялык ӱлгер, айалга эмезе колбу-сурак талдап алар аргалу. Бу солынталар 2020 јылдагы кичӱ изӱ айдыҥ иштиҥ тетрадиндеги 8-чи бӱктеги башкартуларды солып јат.