Бу калганчы кӱндердиҥ калганчы кӱндеринде белен бол!

Бистер калганчы кӱндердиҥ чек калганчы кӱндеринде јададыс, оныҥ учун шыра-јобол ло кӱчтер оноҥ кӧп болор (2Тм 3:1; Мф 24:8-ке јартамал, nwtsty-U). Ар-бӱткенниҥ тӱбеги боло берзе, Иегованыҥ ишчилери нени эдетени керегинде башкартуларды тургуза ла алып јат. Келер ӧйдӧги тӱбекти ӧдӧргӧ, ого эм тургуза белетенер керек. Бого артыгынча азык-тӱлӱк белетейле, кӧгӱс јанынаҥ база кӧптӧдӧ белетенер керек (Лк 16:10).

• Кӧгӱс запастар. Кӧгӱс јаҥжыгуларыҥды јазап тыҥыт. Јарлаар иштиҥ башка-башка бӱдӱмдеринде туруш. Тӱбек тужында јаныҥда ака-эјелер јок болзо, шакпыраба (Ис 30:15). Ундыба: сени Иегова ла Иисустаҥ не де айрып болбос (od-U 176 б., 15—17).

• Физический запастар. Айылдарыста узак ӧйгӧ артарга келишсе, тревожный чемодандардаҥ башка кажы ла биледе јеткилинче азык-тӱлӱк, суу, эм-тус ла ӧскӧ дӧ керектӱ не немелер болор учурлу (Ук 22:3; g17.5-U 4, 6).

«СЛЕР АР-БӰТКЕННИҤ ТӰБЕГИНЕ БЕЛЕН БЕ?» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕР:

• 

  Бис Иеговала колбуларысты ла бойыстыҥ ич-кӧгӱзисти канайып тыҥыдарыс?

• 

  Нениҥ учун:

  • телефоныҥныҥ номери солына берзе, аксагалдарга айдар керек?

  • тревожный чемоданды јууп алар керек?

  • бистиҥ јерде ар-бӱткенниҥ кандый тӱбеги боло берердеҥ айабас ла не-не боло берзе, нени эдер керек деп сананар керек?

• 

  Ар-бӱткенниҥ тӱбегине табарткан улуска бистер кандый ӱч эп-аргала болужар аргалу?

БОЙЫҤНАҤ СУРА: «COVID-19 деген пандемия мениҥ белетенижимде кандый једикпестер бар деп кӧргӱсти?»