ХРИСТИАН ЈӰРӰМ

Экономикалык кӱчтерге сен белен бе?

Телекейде экономикалык айалга коомойтып баратканы бисти кайкатпай јат. Нениҥ учун? Нениҥ учун дезе бис калганчы кӱндердиҥ учында јадып јадыс. Агару Бичик «чындык эмес байлыкка иженбезин» деп айдат (1Тм 6:17; 2Тм 3:1). Биске Иосафаттыҥ теми экономикалык кӱчтерге белетенип аларга канайып болужат?

Иосафатка удура ӧштӱлер туруп чыгарда, ол Иеговага иженген (2Лт 20:9—12). Анайда ок ол албатыны корулаарга, озолондыра калаларды тыҥыдып, ондо черӱлер тургускан (2Лт 17:1, 2, 12, 13). Биске Иосафаттаҥ тем алар керек. Кӱч ӧйлӧргӧ белетенип аларга, Иеговага иженип, керектӱ алтамдар эдигер.

ЭКОНОМИКАЛЫК КӰЧТЕРГЕ КАНАЙЫП БЕЛЕТЕНЕР?

Ич-кӧгӱс јанынаҥ. Бар немеҥле болорзынып, Иегова јӱрӱмге керектӱ немени берер деп, ижемјиҥди тыҥыт (Мф 6:26; 1Тм 6:8). Бойыҥныҥ керексиништериҥди јеткилдеерге библиялык принциптерди буспазым деп, бойыҥа айдып сал (Рм 2:21). Интернет ле свет јок болзо, кӧгӱс јанынаҥ канайып ажанарыҥды озолондыра сананып кой. Бир эмеш запас болзын деп, бистиҥ бичиктерди чаазынга чыгарып ал, аргалу болзоҥ, электронный бӱдӱмдерин озолодоҥ чыгарып ал.

Акча-јӧӧжӧ јанынаҥ. Акча-манатла кӱчтер болголокто, тӧлӱлердеҥ айрылып, кереги јок немеге акча ӱребе (Ук 22:7). Аргаҥ бар болзо, аш-курсакты ла эҥ керектӱ немелерди запастап ал. Кезик улус маала ашты бойлоры отургызарга, огород эдип алар аргалу.

«СЕН ТӰБЕККЕ БЕЛЕН БЕ?» ДЕГЕН ВИДЕОНЫ КӦРӰП, КАРУУ БЕР:

«Сен тӱбекке белен бе?» деп видеоныҥ кадры. Агару Бичик, тревожный чемодан, телефон ло строительдер тегериктердиҥ ичинде јуралган.

Бис бойыс тӱбекке канайып белетенип алар аргалу?

Каруугарды бичигер

«Сен тӱбекке белен бе?» деп видеоныҥ кадры. Ака-карындаштар тӱбекке тӱшкен улуска болуш јетирет: тураны орныктырып јат ла грузовиктеҥ немелер тӱжӱргилеп јат.

Ӧскӧ улуска болужарга канайып белетенип алар керек?

Каруугарды бичигер