Самуилдиҥ теминеҥ ӱрен

Самуил бастыра јӱрӱминде Иеговага чындык болгон. Кичинек тужында ол Илийдиҥ уулдарынаҥ, Хофни ле Финеестеҥ, јаман кылыкка ӱренбеген (1См 2:22—26). Самуил чыдап ӧскӧн, Иегова дезе оныла кожо болгон (1См 3:19). Самуил карып каларда, оныҥ уулдары адазы чылап јӱрбеген, је ол Иеговага чындык иштеген (1См 8:1—5).

Самуилдиҥ теми бистерди неге ӱредет? Јиит карындаштар ла сыйындар, слер кандый ла кӱчтерге табартып, нени сезип турганаарды Иегова оҥдоп турган деп алаҥзыбагар. Ол слерге јалтанбас болорго болужар (Ис 41:10, 13). Ада-энелер, слердиҥ балагар чындыкты артырып салган болзо, слер Самуилдиҥ теминеҥ токунаду алар аргалу. Ол до јаан уулдарын Иегованыҥ нормаларыла јӱрзин деп албадабаган. Самуил кӱчтерин Иегованыҥ колына берип ийеле, бойы дезе Кудайга анаҥ ла ары чындык ла јарамыкту иштеген. Слердиҥ јакшы темигер балагарды Иеговага кайра јанып келерге кӱӱнзедердеҥ айабас.

«УЧИТЕСЬ НА БИБЛЕЙСКИХ ПРИМЕРАХ. САМУИЛ» ДЕГЕН ВИДЕОНЫ КӦРӰП, КАРУУ БЕР:

• 

  Кичинек Самуил јалтанбас болгонын канайып кӧргӱскен?

• 

  Дэнни јалтанбас болгонын канайып кӧргӱскен?

• 

  Карып калган Самуил кандый јакшы тем кӧргӱскен?

• 

  Дэнниниҥ ада-энези кандый јакшы тем кӧргӱскен?