КУДАЙДЫҤ СӦЗИНДЕГИ ЭРЈИНЕЛЕР

Эш-нӧкӧрди ойгор талда

Соломон ойгор эмес талдаш эткен: ол тӧгӱн кудайларга бажырып турган ӱй улустарды алган (1Кн 11:1, 2; w18.07 16 б., 7).

Соломон бир канча ӧйдӧҥ ӱйлеринеҥ улам Иеговага чындык болбой барган (1Кн 11:3—6; w19.01 15 б., 6).

Иегова Соломонго чугулдана берген (1Кн 11:9, 10; w18.07 17 б., 9).

Коллаж «Бойдоҥ сыйын таҥынаҥ Агару Бичикти шиҥдеп тура, јуундагы бойдоҥ бир ака керегинде сананып јат»: 1) ака јуунда каруулар берип јат; 2) ол библиялык бичиктерлӱ стенттиҥ јанында јарлап јат; 3) ол Каандыктыҥ Туразын јазажарына болужып јат.

Христиандар кижи аларга турза, эмезе кижиге барарга турза, ол кижи «Кайракандыйы болор учурлу» — деп Агару Бичик кӱӱнзедип јат (1Кр 7:39). Кижи сууга чӧҥӱрилип ле калган болзо, ол сеге јарагадый эш-нӧкӧр болбой јат. Оныҥ учун бойыҥа сурактар бер: «Ол кижи меге оноҥ ло ары Иеговага акту јӱректеҥ иштеерге болужар ба? Ол кижи Иеговага канча кире ӧйгӧ иштеп турган? Ол Кудайды тыҥ сӱӱп турган деп кӧрӱнет пе?» Бу јаан учурлу алтамды эдердеҥ озо, бастыра јӱрӱмиҥде кожо јӱретен кижини јакшы билип ал. Јакшы таныжып аларга ӧйди карамдаба!