Шиҥдеп, билип алганаарды улуска куучындагар

Агару Бичикти шиҥдеер тушта бис кӧп сӱӱнчи аладыс. Мындый сезим слерде јаантайын болзын деп, билип алганаарды улуска куучындап туругар. Укаа сӧстӧрдӧ 11:25 айдылат: «Кысканбас кижи једимдӱ болор. Ӧскӧлӧрине суу берип турганга, бойына да артыгынча суу берилер».

Качан бис билип алганысты куучындап турзаас, ол бистиҥ санаагыска јакшы артып калат, анайда ок оны јакшы оҥдоп аладыс. Бого коштой улусла библиялык билгирлерле ӱлежип турзаас, оноҥ ырысту болуп каладыс (Ап. ижи 20:35).

Айылдыҥ ижи. Бу неделеде Агару Бичикти шиҥдеер тушта билип алганарды кемге-кемге куучындап беригер. Оны јууктараарга, јуундагы ака-эјелерге, кожо иштеп турган улуска, кожо ӱренип турган балдарга, айылдаштараарга эмезе јарлаар иште туштаган кижиге куучындап берерге јараар. Бойоордыҥ сӧстӧрӧрлӧ, јеҥил ле јарт эдип куучындагар.

Нени ундыбас керек. Слердиҥ амаду гар — кижини кайкадары эмес, је бӱдӱмјизин тыҥыдары болот (1 Кор. 8:1).