Тузалу шӱӱлтелер бедрегер

Бис Агару Бичикти кычырып, шиҥдеп турзаас, бойыска керектӱ шӱӱлтелер таап алар аргалу. Кудайдыҥ Сӧзин кычырганыстаҥ туза аларга нени эдер керек?

Тереҥжиде кӧрӱгер. Агару Бичиктеги учуралдардыҥ оок-теек јетирӱлерине ајару эдип туругар. Темдектезе, бу ӱзӱкти кем, качан ла кандый айалгада бичигенин билип алыгар. Бу ӱзӱк кемге бичилген? Бу учуралдаҥ озо ло оныҥ кийнинде не болгон?

Бу ӱзӱктеҥ неге ӱренереерди сананып кӧрӱгер. Бойоордоҥ сурагар: «Бу улуста кандый сезимдер болгон? Олор кандый кылык-јаҥду болгон? Мен кандый кылык-јаҥга ӱренер эдим, а кандый кылык-јаҥдардаҥ тууралаар эдим, нениҥ учун?»

Билип алганаарды јарлаар иште ле јӱрӱмде тузаланыгар. Ол тушта Иисустыҥ: «Слер мыны билип, эдип турган болзогор, кежиктӱ [ырысту] болгоныгар ол» — деп айтканын оҥдоп ийеригер (Иоанн 13:17).

• Ајаруга алыгар. Иштеер кӱндерде ӧдӱп турган туштажуда «Кудайдыҥ Сӧзиндеги эрјинелер» деп бӧлӱк билип алганысты канайып тузаланарын шӱӱп сананарга болужат. Бу бӧлӱкте бойысты шиҥдеп кӧрӧтӧн лӧ шӱӱп сананатан сурактар ла јуруктар бар. Бу ончо неме материалдаҥ јаан туза аларга болужат.