Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде тузалу курс бар. Бу курс Агару Бичик неге ӱредет деп билип аларга болужып јат. Бистиҥ библиялык курс слерге:
Ырысту болорго.
Кудайга јууктаарга.
Келер ӧй керегинде Агару Бичик нени айдат деп билип аларга болужар.
Бу бӱкте
Агару Бичикти ӱрензем, меге Иегованыҥ Керечизи болор керек пе?
Слерде инструктор јогынаҥ јаҥыскан ӱренетен программа бар ба?
Агару Бичикти ӱренери канайып ӧдӧт?
Инструктор слерди Агару Бичикти оҥдоп алзын деп, темаларды ээчий-деечий ӧткӱрер. «Јажын-чакка ырысту јӱригер!» деген библиялык интерактивный курстыҥ болужыла слер Агару Бичик неге ӱредип турганын араайынаҥ билип аларыгар. Анайда ок билип алганаар слерге кандый тузазын јетирер деп кӧрӱп ийеригер. Бу курс керегинде кӧптӧдӧ бу видеодо айдылат.
Меге курс учун тӧлӧӧр керек пе?
Јок. Иегованыҥ Керечилери Иисус Христостыҥ ӱренчиктерине берген јакарузыла јӱрет: «Тегинге алганыгар, тегинге беригер» (Матфей 10:8). Оныҥ учун курстыҥ материалдары учун, ол тоодо Агару Бичик ле «Јажын-чакка ырысту јӱригер!» деген бичиктер учун акча тӧлӧбӧзигер.
Курстыҥ узуны канча кире?
Бӱдӱн курс 60 уроктоҥ турат. Курсты канча кире тӱрген ӱренип божодороор, слердеҥ бойоордоҥ камаанду. Кезик улуска неделениҥ туркунына бир эмезе оноҥ до кӧп уроктор ӧдӧргӧ јарап турган.
Недеҥ баштаар?
1. Онлайн-заявканы бичип ийигер. Бу јетирӱ слерле јӱк колбожып ийерге керектӱ болот.
2. Инструктор слерле колбожып ийер. Слердиҥ инструктор бу курс керегинде чокумдап јартап береле, слердиҥ ончо сурактараардыҥ карууларын айдып берер.
3. Канайып ӱренерин инструкторло куучындажып алыгар. Телефонло, видеосвязьла, электронный почтала, самараларла, анайда ок јолыгып ӱренерге јараар. Кӧп сабада ӱредӱ бир саат кире ӧдӧт. Је слер бир сааттаҥ кӧп эмезе ас ӱренер аргалу.
Тоолу ла урокты ӱренип кӧрӧргӧ јараар ба?
Эйе. Ӱренип кӧрӧргӧ, онлайн-заявканы бичип ийигер. Инструктор слерле колбожып ийзе, слерге курс јараар ба, јок по деп билип аларга, јӱк ле ӱренип кӧрийерге турганаарды айдып ийигер. Мындый ӱредӱге инструктордо «Јажын-чакка ырысту јӱригер!» деген брошюра бар. Анда јӱк ле ӱч урок.
Агару Бичикти ӱрензем, меге Иегованыҥ Керечизи болор керек пе?
Јок. Иегованыҥ Керечилерине улусты Агару Бичикке ӱредерге јарап јат. Је бис улусты бистиҥ кудай јаҥыска кирзин деп албадабай јадыс. Бис јӱк ле Агару Бичик неге ӱредип турганын кӧргӱзедис. А кижи дезе неге бӱдерин бойы талдап јат (1 Пётр 3:15).
Бойымныҥ Агару Бичигимле ӱренерге јараар ба?
Эйе. Слер Агару Бичиктиҥ кандый ла кӧчӱрмезин тузаланар аргалу. Биске «Јаҥы телекей» деп кӧчӱрме јарап турган, нениҥ учун дезе ол чокум ла јарт кӧчӱрилген, је кӧп улус ӱренижип калган кӧчӱрмезиле ӱренерге кӱӱнзеп турганын оҥдоп јадыс.
Ӧскӧ улусты ӱредӱге кычырарга јараар ба?
Эйе. Слер ӱредӱге билегерди эмезе најылараардыҥ кажы бирӱзин кычырар аргалу.
Мен алдында Иегованыҥ Керечилериле Агару Бичикти ӱренген болзом, эмди ойтодоҥ ӱренип баштаар керек пе?
Эйе. Слерге јаҥы курс озогы ӱренген бичиктердеҥ тыҥ јараар болор, нениҥ учун дезе ол бӱгӱнги кӱнниҥ улузыныҥ керексиништерине келиштире јаҥыртылып калган. Бу курсты, озогы ӱренетен бичиктерге кӧрӧ оҥдоорго канча киреге јеҥил ле ол интерактивный бӱдӱмдӱ.
Слерде инструктор јогынаҥ јаҥыскан ӱренетен программа бар ба?
Эйе. Кӧп улус инструкторло ӱренериниҥ тузазы јаан деп ајаруга алган да болзо, је кезик улус Агару Бичикти озо баштап бойы ӱренерге кӱӱнзейт. «Агару Бичикти ӱренерге болужатан јепселдер» деп бӱкте Агару Бичикти ӱренерге, акча тӧлӧбӧзинеҥ тузаланатан приложениелер ле ресурстар бар. Олордыҥ кезиги бу.
Видеоуроктор. Агару Бичиктиҥ тӧс ӱредӱлерин јартап турган кыска видеолор.
Библиялык сурактардыҥ каруулары. Бу статьяларда Агару Бичик керегинде башка-башка сурактардыҥ каруулары берилет.
Агару Бичиктиҥ ӱлгерлериниҥ јартамалдары. Слер кӧп улуска таныш Агару Бичиктиҥ сӧстӧриниҥ ле ӱлгерлериниҥ учурын билип аларыгар.