Бистиҥ кыйын-шырабыста Кудай бурулу ба?

Библиялык каруу

Агару Бичик «јок» деп бир ле каруу берип јат! Кудайдыҥ амадузыла болзо, улус кыйналбас учурлу болгон. Је баштапкы улус — Адам ла Ева — јаманды ла јакшыны билетен бойыныҥ нормаларын тургузарга болуп, Кудайдыҥ башкарузына удура туруп чыккандар. Олор Кудайдаҥ туура барганы учун јаан тӱбекке тӱшкӱлеген.

Бӱгӱн бис олордыҥ эткен керектери учун шыралап јадыс. Је Кудай бир де кыйын-шыра этпей јат.

Агару Бичикте: «Ченедип турган улустыҥ кемизи де: „Мени Кудай ченеп јат“ — дебезин, нениҥ учун дезе Кудайды кем де јаманла ченеп болбос, Ол Бойы да кемди де ченебейт» деп айдылган (Иаков 1:13). Кыйын-шыра бастыра улуска једижет, керек дезе Кудайдыҥ да јарадып турган улузына.