Агару Бичикте эр кижиле эр кижи эмезе ӱй кижиле ӱй кижи алыжары керегинде айдылат па?
Агару Бичиктиҥ каруузы
Бистиҥ Јайаачы билениҥ нормаларын улустыҥ тургузып турган нормаларына кӧрӧ, канча кире озо тургускан. Агару Бичиктиҥ баштапкы бичигинде: «Оныҥ учун эр кижи ада-энезин артырып, ӱйиле јуртап, оныла бир эт-кан боло берет» — деп бичилген (Башталганы 2:24). «Вайнаныҥ библиялык сӧстӧрдиҥ Толковый сӧзлигиле» болзо, «ӱйи» деп кӧчӱрилген јебрен еврей сӧс, «ӱй кижи» болгонын темдектейт. Иисус алыжып јаткан улус «эр кижи ле ӱй кижи» болор учурлу деп база айткан (Матфей 19:4).
Кудайдыҥ амадузыла болзо, биле — ол эр ле ӱй кижи ортодогы ӱзӱлбес јӧптӧжӱ. Эр ле ӱй кижи бой-бойлорын толтырып турар эдип јайалган. Мынаҥ улам олор бой-бойлорыныҥ эмоция ла секс јанынаҥ керексиништерин јеткилдеер аргалу ла оноҥ, јаҥы јӱрӱм баштаар аргалу болот.