Нейтралитетти буспазы дегени нени темдектейт?

Иисус бойыныҥ ӱренчиктерине: «Слер телекейдеҥ эмес» — деп айткан (Иоанн 15:19). Бу принципке христиандар нейтралитетти буспас учурлу дегени база кирет. Бис политикалык ла јуу-согуш јанынаҥ сурактарда кемниҥ де јанын талдабай јадыс. Је нейтралитетти буспаска кезикте јеҥил эмес болуп јат. Христиан кӧрӱмистеҥ улам улус бисти јаман кӧрӧт лӧ шоодып, каткырыжып јат. Айдарда, нейтралитетти буспаска ла Иегова Кудайга бӱткӱлинче чындык артарга нени эдер керек?

1. Чындык христиандар ороонныҥ јаҥдарына канайып баштанат?

Чындык христиандар ороонныҥ јаҥдарын тооп јат. Олор Иисус Христостыҥ ӱреткени аайынча «кагандыйын каганга» бередилер, ӧскӧртӧ айтса јадып турган орооныныҥ јасактарын бӱдӱрип јадылар (Марк 12:17). Темдектезе налогторды тӧлӧп јат. Агару Бичикте айдылганыла, Кудай улустыҥ башкаруларына башкаратан јаҥ бербеген болзо, олор јаҥда отурбас эди (Римдегилерге 13:1). Айдарда, улустыҥ башкаруларынаҥ бийик башкару бар деп мынаҥ кӧрӱп јадыс. Улустыҥ кӱчтериниҥ аайына јӱк ле Кудай ла оныҥ Каандыгы чыгар аргалу.

2. Нейтралитетти буспай турганысты бис канайып кӧргӱзерис?

Иисус ла чылап бис политикага киришпей јадыс. Улус оныҥ кайкалдар эдип турганын кӧрӱп, оны каан эдип тургузарга сананган. Је ол олордоҥ кача берген (Иоанн 6:15). Нениҥ учун? Кийнинде ол айткан: «Мениҥ Каандыгым бу телекейдеҥ эмес» (Иоанн 18:36). Бис Иисустыҥ ӱренчиктери болуп, јуу-согуштарда турушпай јадыс. (Михей 4:3 кычырыгар.) Ороонныҥ символдорын тооп то турган болзоос, темдектезе мааныны, агару деп кӧрбӧй јадыс (1 Иоанн 5:21). Анайда ок кандый бир политический партияга эмезе кандидатка јӧмӧшпӧй дӧ јадыс, олорды јамандабай да јадыс. Анайып бис Кудайдыҥ башкарузына, оныҥ Каандыгына, чындык болгонысты кӧргӱзедис.

ТЕРЕҤЖИДЕ КӦРӰГЕР

3. Чындык христиандар нейтралитетти буспай јат

Иисус ла баштапкы христиандар биске бу јанынаҥ тем кӧргӱзет. Римдегилерге 13:1, 5—7 ле 1 Пётр 2:13, 14 кычырыгар. Оноҥ ВИДЕОНЫ кӧрӱп, сурактарды шӱӱжип ийигер:

ВИДЕО: «Чындык христиандар нейтралитетти буспай јат» (1 бӧлӱк) (4:28)

• Ороонныҥ јаҥдарын биске нениҥ учун тоор керек?

• Јаҥдарга сӧсуккур болгоныс недеҥ кӧрӱнет?

Јуу-согуштыҥ ӧйинде кезик ороондор нейтралитет тудат. Је бу ла ок ӧйдӧ олор јуулажып турган ороондордыҥ кажызына ла болужып јат. Олорды нейтралитетти буспай турган деп айдып болорыс па? Иоанн 17:16 кычырыгар. Оноҥ ВИДЕОНЫ кӧрӱп, суракты шӱӱжип ийигер:

ВИДЕО: «Чындык христиандар нейтралитетти буспай јат» (2 бӧлӱк) (3:11)

• Христиан нейтралитет ол не?

Јаҥдардыҥ некелтелери Кудайдыҥ јасагына келишпей турган болзо, нени эдер? Апостолдордыҥ ижи 5:28, 29 кычырыгар. Оноҥ ВИДЕОНЫ кӧрӱп, сурактарды шӱӱжип ийигер:

ВИДЕО: «Чындык христиандар нейтралитетти буспай јат» (3 бӧлӱк) (1:18)

• Ороонныҥ јасагы Кудайдыҥ јасагына келишпей турган болзо, бис кемге багынар учурлу?

• Христиан кижи кандый айалгаларда ороонныҥ јаҥдарына багынбай јат?

4. Нейтралитетти санаабыста да, керектеристе де буспай јадыс

1 Иоанн 5:21 кычырыгар. Оноҥ ВИДЕОНЫ кӧрӱп, сурактарды шӱӱжип ийигер:

ВИДЕО: «Чындык христиандарга нениҥ учун јалтанбас болор керек? Нейтралитетти буспаска» (2:49)

• Айенге деп ака политический партияларга кирбеске ле ороонныҥ церемонияларына, темдектезе мааныга бажырарына, нениҥ учун турушпас деп сананып алган?

• Канайып сананадаар, ол чын эткен бе?

Бистиҥ нейтралитет база кандый айалгаларда ченелердеҥ айабас? ВИДЕОНЫ кӧрӱп, сурактарды шӱӱжип ийигер:

ВИДЕО: «„Каруулчы шибеенеҥ“ алынган шӱӱлтелер. Бӧлӱнип калган телекейде нейтралитетти буспагар» (5:16)

• Башка-башка ороонныҥ спортчылары туружып турган маргаандарды кӧрӱп тура, биске нениҥ учун кемниҥ де јанына јайылбас керек?

• Политиктер биске јакшыны да, јаманды да эдип турза, нейтралитетти буспаска нени эдер керек?

• Куучындажып турган улузыс ла СМИ бистиҥ нейтралитет јанынаҥ кӧрӱмиске кандый каршузын јетирердеҥ айабас?

ТӦС ШӰӰЛТЕЗИ

Христиандар санаазында да, сӧстӧринде де, керектеринде де нейтралитетти буспай јат.

Нени билип алдыгар?

• Јадып турган орооныста бисте кандый молјулар бар?

• Политикалык сурактарда бис нениҥ учун нейтралитетти буспай јадыс?

• Кандый айалгаларда нейтралитетти буспаска кӱч болордоҥ айабас?

ШИҤДЕЙТЕН МАТЕРИАЛ

Нейтралитетти буспаска нени эдерге эмезе этпеске келижердеҥ айабас?

«Иегова бисти качан да артыргыспаган» (3:14)

Нейтралитет јанынаҥ ченелтелер болотон айалгаларга билелер озолондыра канайып белетенип алар аргалу?

«Нейтралитетти буспаска јаантайын белен» (4:25)

Тӧрӧлин корулаарынаҥ байлу неме бар ба?

«Кудайдыҥ эдип болбос немези јок» (5:19)

Иш бедиреп тура, «слер бу телекейдеҥ эмес» деп принципти канайып тузаланараар?

«Кажы ла кижи бойыныҥ јӱгин апарар» («Каруулчы шибее», 2006 јыл, тулаан ай 15)