Ӱредӱни пландардыҥ болужыла ӧткӱредис
1. Пландар бистиҥ бичиктердеҥ незиле аҥыланат?
1 Јаан изӱ айдыҥ «Бистиҥ агару ижибисте» айдылганыла бисте ӱредӱ ӧткӱретен кезик јепселдер бар. Олордыҥ бирӱзи — Агару Бичикти ӱренетен пландар. Пландардагы ӱлгерлерге берилген уламјылар бичилбеген, оныҥ учун олорды Агару Бичикти ачып, кычырар керек. Бистиҥ кӧп саба бичиктерди болуш јогынаҥ кижи бойы оҥдоп алар аргалу. Је Агару Бичикти пландардыҥ болужыла ӱренерге ӱредӱчиниҥ болужы керек. Оныҥ учун бис кижиге пландардыҥ бир-бирӱзин талдап алзын деп арга берип турган болзос, Агару Бичикти ӱренери канайып ӧдӱп турганын кӧргӱзер керек. Анайып кижи Агару Бичиктеҥ сӱӱнчилӱ јар керегинде билгирлер аларга јилбилӱ деп, оҥдоп алар (Матф. 13:44).
2. Пландарды кижиле баштапкы катап куучындашкан тушта канайып тузаланарга јараар?
2 Баштапкы катап куучындашкан тушта. Мынайып айдарга јараар: «Улус келер ӧй кандый болгой не деп, сананып јат. Слер канайып сананып турар, бис качан бирде јакшы јадарыс па? [Карууны ук.] Агару Бичик биске ижемји беретен сӱӱнчилӱ јар айдат». Оноҥ јарагадый темалу планды ачып, ӱредӱ канайып ӧдӱп турганын кӧргӱзип бер. Эмезе мынайып эдерге јараар: кижиге бойыҥ талдап алган планнаҥ сурак берип, карууны Агару Бичиктеҥ канайып таап аларга јараарын кӧргӱзип бер. Кезик јарчылар куучын баштаар ӧйдӧ, планга јарагадый кӧрӱлме кӧргӱскилейт.
3. Ӱредӱни пландардыҥ болужыла канайып ӧткӱрер?
3 Ӱредӱни канайып ӧткӱрер. 1) Темага јилбиркей берзин деп сурак сура. 2) Ӱлгерлерди кычырып, сурактарды черчеҥ берип, ӱлгерлер тӧс шӱӱлтени канайып јартап турганын оҥдоорго болужып бер. 3) Ӱренип турган кижи материалды оҥдоп алды деп бӱдӱмјиленерге, куучынныҥ бажында кӧдӱрген суракты эмезе тӧмӧнги карарта бичилген суракты сура. Јартажып турган темага кандый бир кӧрӱлме келижип турган болзо, кӧргӱскелек болзоҥ, оны кижиге кӧргӱзип ий.
4. Бу баалу јепселле тузаланарга канайып ӱренип алар?
4 Бу баалу јепселле таныжып ал. Оны кажы ла эптӱ учуралдарда тузалан. Ӱренердеҥ озо кижи керегинде ле планда берилген ӱлгерлердиҥ болужыла канайып шӱӱп сананза јакшы болор деп, сананып ал (Укаа 15:28; Апос. иж 17:2, 3). Сен Агару Бичикти ӱренерине керектӱ пландарла јакшы тузаланарга ӱренип алзаҥ, олор улусты чындыкка ӱредерине тузаланатан сениҥ сӱӱген јепселдериҥниҥ бирӱзи болуп калардаҥ айабас.