Isaya

64 Ka nwang’u ndhu iyeco polo man iloro piny,

Kara gudi uyengere nikumi,

 2 Calu ma mac wang’u zunguru yen

Man mac ketho pii walini,

E nwang’u jukwor peri ung’eyo nyingi

Man kum thek de ubemiel i weng’i!

 3 Kinde m’itimo lembe ma ng’oyo ndiri ma nwang’u wang’ap ungo ang’apa de nigeno,

Iloro piny man gudi uyengere i weng’i.

 4 Niai yang’ con, ng’atu moko mbe m’uwinjo kunoke m’uciko ithe,

Kadi wang’ ng’atu moko de mbe m’uneno Mungu m’uweko in,

M’utimo lembe pi bero mi ju m’ubemediri nikure.*

 5 Irombo ku ju ma timo lembe m’atira kud anyong’a,

Ju m’ubepoy piri man m’ubelubo yo peri.

Nen! ng’eicwiny umeki kinde ma wabemedara nidubo,

Watimo kumeno pi kare m’ulwar.

 6 Wan ceke wadoko calu ng’atu m’ucido,

Man timo mwa mi bedopwe zoo calu bongu ma dhaku utiyo ko kinde m’ebeneno nindo pare.

Wan ceke wabithwo calu ith yen,

Man kosa mwa bikotowa cen calu yamu.

 7 Ng’atu moko mbe m’ubelwong’o nyingi,

Ng’atu moko mbe m’ubeii pi nimoko i kumi,

Kum ikanu weng’i iwa,

Man iketho wavoc* nikum kosa mwa.

Watie ulobo, man itie Jacwii agulu mwa;*

Wan ceke watie tic mi cingi.

 9 Ng’eicwiny kud umeki lee, Ee Yehova,

Kud ipoy pi kosa mwa rondo ku rondo.

Sayuni udoko langa,

Yeruzalem udoko ng’om ngele.

11 Ot* mwa mi leng’o man mi dwong’,

Kaka ma kwaruwa gibed gipeki i iye,

Judaru wang’u ku mac,

Man piny ceke ma wamaru lee udoko uvuru.