KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • Jugalatia 3
  • Biblia—Lok mi ng’om ma nyen

Thenge maeni umbe ku video.

Tim kisa, kosa moko uwok rek.

Lembe ma dongo m’i buku mi Jugalatia

      • Tic mi Cik man yiyoyic (1-14)

        • Won bedopwe bikwo ni kum yiyoyic (11)

      • Jutimo lembang’ola ni Abraham ni kum Cik ungo (15-18)

        • Kristu utie nyakwar Abraham (16)

      • Kaka ma Cik uai i iye man lembakeca pare (19-25)

      • Wot Mungu ni kum yiyoyic (26-29)

        • Kodhi pa Abraham utie ju ma gi pa Kristu (29)

Jugalatia 3:2

Korolembe mi there

  • *

    I dhu Jugiriki: “amito akeang’ey.”

Jugalatia 3:16

Korolembe mi there

  • *

    I dhu Jugiriki: “kodhi.”

Jugalatia 3:24

Korolembe mi there

  • *

    Kunoke “japonji.”

Jugalatia 3:25

Korolembe mi there

  • *

    Kunoke “japonji.”

Lok m'urombo

Dii wi namba pi nineno verse mange m'urombo kude.
  • Biblia—Lok mi ng’om ma nyen
  • Som i Lembagora mi Jugiriki mi Jukristu
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
Biblia—Lok mi ng’om ma nyen
Jugalatia 3:1-29

Barua ni Jugalatia

3 E Jugalatia, wun ma rieko mwu mbe! Ng’a m’uwondo weng’wu, wun ma junyutho Yesu Kristu iwu kamaleng’ ni ng’atu ma juguro iwi yeni? 2 Amito akeapenjwu* ku penji ma e kende: Nyo wunwang’u tipo pilembe wubeworo Cik kunoke pilembe wunyutho yiyoyic i lembe ma wuwinjo? 3 Nyo rieko mwu mbe magwei? I acaki wubed wujenguru iwi tipo ma leng’; pirang’o ke kawoni wulund wubelubo rieko mi dhanu? 4 Nyo can ma wuneno e zoo ubino mi mananu? An re ang’eyo nia ebino ngo mi mananu. 5 Dong’ nyo ng’atu m’ubemiyo iwu tipo man m’ubetimo udu i kindwu ubetime pilembe wubeworo Cik kunoke nyo pilembe wunyutho yiyoyic i lembe ma wuwinjo? 6 Tap calu Abraham “ubedo ku yiyoyic i Yehova, man jukwane ire ni bedopwe.”

7 Wung’eyo cuu nia ju ma gitie ku yiyoyic re ma gi wot Abraham. 8 Mungu ular uyero oro dupa i wang’e i Lembagora pare nia ebikwanu dhanu mi thek mange ni weg bedopwe ni kum yiyoyic migi, uketho elar eyero lembanyong’a ma e ni Abraham: “Nikadhu kud i beng’i, thek ceke binwang’u mugisa.” 9 Pieno, dhanu ma gitie ku yiyoyic gibenwang’u mugisa karacelo kud Abraham m’ubino ku yiyoyic.

10 Dhanu ceke ma giketho genogen migi iwi Cik kwong’ n’i wigi, kum egorere kumae: “Kwong’ ubed iwi ng’atu moko ci m’ubemedere ngo niworo lembe ceke m’ugorere i kithabu mi Cik.” 11 M’umedo maeno, ubenen kamaleng’ nia Mungu kwanu ngo ng’atu moko acel de ni won bedopwe ni kum Cik, pilembe egorere nia “won bedopwe bikwo ni kum yiyoyic.” 12 Enre Cik ujengere ngo iwi yiyoyic. Kum egorere kumae: “Ng’atu m’ubetimo kumeno bikwo ni kumgi.” 13 Kristu ung’iewowa man edoko alam kakawa pi nigonyowa kud i ther alam mi Cik, kum egorere kumae: “Alam n’i wi ng’atu moko ci ma juliero iwi yen.” 14 Lembuno utimere kara thek unwang’ mugisa pa Abraham ni kum Kristu Yesu, wek kara wanwang’ tipo ma jung’olo pire nikadhu kud i yiyoyic mwa.

15 Umego, akemaku lapor moko: I kurajo ka judaru timo lembariba moko, ng’atu moko mbe ma romo ture kadi ma copo medo lembe mange i wiye. 16 Mungu utimo lembang’ola ni Abraham man ni nyakware.* Lembagora uyero ngo nia, “ni nyikweyi,” calu ve ni dhanu dupa. Ento eyero nia, “ni kodhi peri,” calu ni ng’atu acel ma en e Kristu. 17 M’umedo maeno, abeyero bende kumae: Cik m’udong’ utundo oro dak ang’wen ku pier adek (430) i ng’eye uturo ngo lembariba ma Mungu ular utimo, man ethiro ngo lembang’ola. 18 Kum ka giralaga ucungo iwi Cik, nwang’u dong’ ecungo ngo iwi lembang’ola; ento Mungu unyutho berocwinye ni Abraham kum emiye ire nikadhu kud i lembang’ola.

19 Kadong’ Cik ke mi thelembang’o? Jumiye kara eketh dubo unen kamaleng’ nitundo ma kodhi ma jutimo ire lembang’ola bitundo ko; man jumiye nikadhu kud i bang’ jumalaika i cing’ jarib kindjo. 20 Nie kara jarib urib kindjo, mito ngo ng’atini ubed en kende, ento Mungu tie en kende. 21 Nyo eno ubenyutho nia Cik utie jadhu lembang’ola pa Mungu? Nyanok de ngo! Kum ka nwang’u jumiyo cik moko ma copo miyo kwo, nwang’u jubekwanu dhanu ni weg bedopwe ni kum Cik. 22 Ento Lembagora uumo ba gin ceke i the loc mi dubo, kara weg yiyoyic ginwang’ piny ma beco ma jung’olo ni ju m’utie ku yiyoyic i Yesu Kristu.

23 Ento kinde ma nwang’u fodi yiyoyic utundo ngo, juketho wabedo akura i the Cik man juciko bang’wa ma wabekuro ko yiyoyic ma binyuthere. 24 Pieno Cik ubino jakur* mwa m’ubeterowa i bang’ Kristu, kara jukwanwa ni weg bedopwe ni kum yiyoyic. 25 Ento kawoni ma dong’ yiyoyic udaru tundo, wambe ku yeny pa jakur.*

26 I andha, wun ceke wutie wot Mungu ni kum yiyoyic ma wutie ko i Kristu Yesu. 27 Kum wun ceke ma wulimo batizo i Kristu wuronyo Kristu. 28 Pieno, tung’ tung’ umbe i kind Jayahudi ku Jagiriki, kadi i kind ng’eca ku ng’atu ma tie agonya, man i kind nico ku dhaku, pilembe wun ceke wutie acel i Kristu Yesu. 29 M’umedo maeno, tek wu pa Kristu, nwang’u andha wutie kodhi pa Abraham, jucampacu calku lembang’ola.

Girasoma mi dhu Alur (1993-2026)
Woki
Mondi
  • Alur
  • Ore ni ng'atini
  • Lembe m'imaru
  • Copyright © 2025 Watch Tower Bible and Tract Society of Pennsylvania
  • Cik mi tio kude
  • Cik mi Gwoko Lembamung'a
  • Paramètres de confidentialité
  • JW.ORG
  • Mondi
Ore ni ng'atini