Zaburi
Wer mi idho. Pa Daudi.
122 Anyong’a unega kinde ma juwacu ira kumae:
“Wacidhu i ot pa Yehova.”
2 Man kawoni tiendwa ucungo
I dhugang’ peri, E Yeruzalem.
3 Jugiero Yeruzalem ni adhura
Ma kinde ripo karacelo.
4 Suru giidho malu i bang’e,
Gi suru pa Yah,*
Nimakere ku telowic ma jumiyo ni Israel,
Pi nidwoko foyofoc ni nying’ Yehova.
5 Kum kuca juketho komker mi pokolembe,
Gi komker mi ot pa Daudi.
6 Wukway pi kwiyocwiny mi Yeruzalem.
Dhanu ma gimeri gibibedo museme, E adhura.
7 Dong’ kwiyocwiny umedere nibedo i gang’* peri,
Bedomoth ubed i udi ma wiw peri.
8 Pir umego para man jurimba abiwacu kumae:
“Dong’ kwiyocwiny ubed i ii.”
9 Pi ot pa Yehova Mungu mwa,
Abiyenyo bero iri.