Zaburi
Ni jatel wi wer; ma juciko iwi Sheminith.* Wer pa Daudi.
12 Bodha, E Yehova, kum ng’atu mandha dong’ umbe;
Dhanu ma jugeno girwinyo kud i kind dhanu.
3 Yehova bithumo dendhok ceke ma wondo wang’
Man leb ma lulere akeca,
4 Ju ma gibeyero kumae: “Wabivoyo ku lebwa.
Watiyo ku dend dhogwa calu ma wamaru;
Ng’a ma bibedo jadit mwa?”
5 “Nikum masendi mi ju ma jubenyayu can i kumgi,
Nikum cur mi jucan,
Abiai malu pi nibodhogi,” Yehova wacu.
“Abibodhogi kud i cing’ ju m’ubecayugi.”
6 Wec pa Yehova tie leng’;
Gi calu mola ma tar ma julilo i uka mir ulobo,* ma judwoko leng’ wang’ abiro.
7 Ibikuro kumgi, E Yehova;
Ibigwoko ng’atuman m’i kindgi ni dhanu m’utuk maeni pi nja.
8 Jutimrac gibewotho kun ku kun ma gin m’ubecerogi mbe
Pilembe wot dhanu gibecwaku lembe ma rac.