Zaburi
Ni jatel wi wer. Maskil* pa Daudi, kinde ma Doeg ma Jaedom ucidh uyero ni Saul nia Daudi ucidho yo p’Ahimelek.
52 Pirang’o ibeluliri pi tic peri ma reco, in m’i jarukara?
Mer ma lokere ngo pa Mungu galu dieceng’ duu.
2 Lebi ma lake ai calu lak riedi,
Ubepangu nitimo gin ma rac man ubeyero lembe mi ndra.
3 Imaru racu nisagu gin ma ber,
Man cwayu ndra nisagu yero lembe m’atira. (Sela)
4 Imaru wec ceke ma timojo rac,
E in i leb ma won abombi!
5 Pi thelembe maeno Mungu binyothi mi magwei;
Ebimeki man ebipeyi cen kud i hema peri;
Ebifudhi kud i ng’om mi ju ma kwo. (Sela)
6 Weg bedopwe gibineno lembene, e igi biwang’ lii,
Man gibing’iero jatimrac.
7 “Nen, eni tie ng’atu m’uketho ngo Mungu ni kapondo* pare,
Ento egeno lonyo pare ma dit
8 Ento an abibedo calu yend oliv m’udinyo i ot pa Mungu;
Abigeno mer ma lokere ngo pa Mungu rondo ku rondo.
9 Abipeki rondo ku rondo pi lembe m’itimo;
I vut ju peri ma gigwoko bedoleng’ migi,
Abigeno nyingi, kum nyingine ber.